نحتاج لعمل برغل البندورة والزيت إلى 4 ملاعق كبيرة زيت نباتي، كوب برغل خشن منقى،        3 بصلات كبيرة مفرومة فرماً ناعماً، نص كيلو بندورة حمراء اللون وأن تفرم فرماً ناعماً، رشة بهار وقرفة وفلفل وملح.

طريقة التحضير:

يحمر البصل بالزيت على نار متوسطة، ثم نضيف البندورة ونقلبها على النار، ثم نضيف قليلا من الملح والتوابل إلى البندورة ونتركها تغلي على نار هادئة، ثم نقوم بتنقية البرغل وغسله، ثم يضاف إلى البندورة ونقلبه، والبرغل يجب أن يكون مغموراً بمرق البندورة، ويترك البرغل على نار هادئة لمدة نصف ساعة، ويقدم مع السلطة.

***

يعد طبق الهيطلية من أطباق الحلوى الشعبية والشهية قديما وحديثا, لما فيه من قيمة غذائية عالية لغناه بالبروتين الموجود في الحليب المأخوذ من الأغنام.

تتكون من الحليب والنشا والسكر والسمن البلدي.

طريقة التحضير: يوضع الحليب في قدر على نار هادئة حتى يغلي مع السكر, بمجرد أن يصبح الحليب على وشك الغليان نضيف إليه النشا المذاب في القليل من الماء الفاتر مع التحريك المستمر لكي لا يحترق الحليب, أو يتكتل، ثم يسكب في وعاء مفتوح أو واسع حتى يبرد، ويصب فوقه السمن البلدي ليعطيه نكهة لذيذة.

***

هي نوع من أنواع الحلويات الشعبية القديمة، عرفت في قديم الزمان وما زالت إلى الآن تنتشر في جميع مناطق البلقاء، وأهميتها أنها مرغوبة لدى الناس لأنها لذيذة وخفيفة وتعطي الطاقة للجسم.

المكونات: 4 أكواب سميد ، 2 كوب لبن زبادي، 1 كوب سكر،3 ملاعق بيكنغ باودر، كوب قطر، حبات صنوبر للتزيين أو لوز حسب الطلب، ملعقة طحينية لدهن الصينية.

***

أول شي نجيب اللحمة وبنغسلها، بنحطها بطنجرة على الغاز وبنمرس جميد وبنحطه فوق اللحمة، وكمان لبن مخيض، وبنظل نحركه بالكفكير حتى يغلي اللبن لمدة ساعة ونص، وبعد ما يستوي بنحط عليه حواجة المنسف، وبعد ما بننقع الأرز، بنكون حطينا على الغاز طنجرة بيها مية وملح وكركم، ولما تغلي المية بنحط الأرز المنقوع والمصفى والمغسول، ويترك على الغاز لما تنشف المية، بنوطي الغاز وبعد هيك بنقدح السمنة البلدية وبنحطها على الأرز، بنجيب سدر وبنفرد عليه شراك، وبعد الشراك بنحط عليه ثلاثة كفاكير لبن وبنرفد الأرز فوق الشراك، وبنحط اللحمة وبنزين اللحمة بالصنوبر واللوز  المحمص، وبنحط على جنب المريس ونشرب على الضيوف بالكفكير،

***

الملوخية مع الدجاج والأرز

بنحط على الغاز طنجرة، وبنحط بيها الدجاج المقطع، وبنحط عليه المية، وبنحط على المية الملحة والفلفل الأسود وبنتركها على النار تغلي مدة 60 دقيقة تقريبا، وبعدين بنحط الملوخية الناشفة ونتركها 5 دقائق وبنطفي عليها، بنحط على الغاز قلاية وبنحط بيها زيت وفوقها ثومه مدقوقة وبنقليها حتى تكون شقرا، وبعدين بنحطها فوق الملوخية، وبنحط الأرز مغمور بالماء على الغاز، وبنحط على المية ملحة وكركم، وبس تغلي المي بنطيح الرز، ونقدمه الرز بصينية وبنحط الملوخية بزبادي.

***

***

هي أكلة شعبية قديمة، عرفت في قديم الزمان وما زالت إلى الآن، وهي منتشرة في مناطق القرى في البلقاء.

وهذه الأكلة يعملوها بالمناسبات، وفي التجمعات الأسرية، وهي مفضلة في جميع الفصول، ولكن الناس يفضلونها في الجو البارد.

المكونات: عجينة بدون خميرة من طحين القمح، وكوبين من زيت الزيتون أو حسب الرغبة، وبهارات، فلفل، سماق، هيل، ملح.

طريقة العمل:

***

تتكون من الجميد البلدي (المريس) والعدس والبرغل والسمن البلدي والبصل والحواجة والكركم والملح.

***

المقادير: دجاج مقطع، خبز مشروح عربي، بصل حجم كبير، زيت زيتون، صنوبر، سماق، ملح وفلفل.

طريقة التحضير:

1- نضع الدجاج بعد تقطيعه بالماء الساخن حتى يستوي، فيكون لدينا مرقة دجاج.

2- نقلب البصل بالزيت على النار حتى يصبح لونه أحمر، ونضيف له الملح والفلفل الأسود.

3- نقوم بوضع الدجاج المقطع في صينية، ونضيف له السماق، ثم نضعه بالفرن حتى يحمر.

4- نقوم بتغميس الخبز المشروح بمرقه الدجاج قليلا، ونغطيه بطبقة البصل الذابل، ونضيف إليه السماق.

***

في البداية ننقي العدس من الحجارة والشوائب، ومن ثم يجرش بالجاروشة، ويسمى عدس مجروش، ثم نقوم بفرم البصل فرمة ناعمة، نضع عليه الزيت ونضعه على النار في الطنجرة ونقلبه لفترة حتى يذبل، ومن ثم نضع فوقه الماء ونترك الماء حتى يغلي ونضيف العدس بعد ذلك، ثم نضع عليه قليلاً من الورس ومكعب ماجي وملح وكمون خوفا من الانتفاخ، ونتركه على النار حتى يستوي العدس جيدا، تؤكل إما شوربة لوحدها، أو مع فتة خبز يوضع عليها زيت الزيتون وليمون ومعها بصل أخضر وفجل.