المكونات: نحتاج إلى عجينة الكلاج، سمن بلدي، حليب سائل، جبنة بيضاء، سدر كبير.

الطريقة: نقوم بدهن الصدر بسمنة بلدية وطبقة عجين، ومن ثم حليب سائل، ومن ثم طبقة عجين، والطبقة الثانية عجين إلى حد 6 طبقات، بعد ذلك نقوم بتقطيع العجبن إلى قطع صغيرة ونضعها فوق بعضها، ثم نقوم بعمل خمس طبقات، ومن ثم سمن بلدي، ثم بالفرن حتى تستوي من تحت، ثم لتستوي من فوق، وبعد ذلك نقوم بتقديمها بتقطيعها إلى قطع متوسطة الحجم ووضعها في صحون.

* ملاحظة: العجينة يتم شراؤها من المحلات التجارية

تتكون من عدس حب, طحين, ملح, زيت زيتون, تمر هندي, بصل شرحات, بهار, عصير ليمون, ضمة كزبرة, مكعب ماجي.

أولا، نقوم بتحضير العجين, مكون من الطحين والماء والملح, يعجن جيدا ويترك ليرتاح.

ثم ننقع التمر الهندي بماء ساخن, لمدة ساعة على الأقل, ويترك فترة ليبرد, ثم يصفى التمر الهندي.

الملوخية وكيف ننشفها، أول شي نشتري الملوخية من بكم الخضرة بكميات كبيرة.

نتفق مع النسوان، يعني الجارات، يا على الصبح أو بعد العصر نتجمع كلنا ونصير نفرط بالملوخية، ونكون حاطين بالنص زي ملف (حرام)، ونصير نسولف ونعمل كاسة شاي وما فيه أحلى منها بحوش الدار ومنها نتسلى.

بعد ما نلقطها ونفرطها نأخذ كل الملوخية ونحطهن بشوال البصل ونربطهن، ونغسلهن كثير منيح بالمية وننشفهن بنشافة الغسالة، بعدها نطولهن ونفردهن على ملف أو حرام بالشمس، كل يوم نقلبهن حتى ينشفن ويجفن.

***

كانوا في السابق ينشفوها بكميات هائلة، وكان يتم شراءها أو زراعتها، ويقطعوا زر البندورة ويملحوه ويضعوه بعد ذلك بالخرايط والتي هي عبارة عن أكياس، ويضعوا البندورة داخلها ويحفظوها في أماكن جافة، ويغسلوها بالملح وينقعوها، ويحتفظوا فيها لفصل الشتاء، وكانوا يمرسوها مربى ويضعوها لعمل الأكلات المنزلية مثل الباميا والفاصوليا.

***

نضع الزبدة في طنجرة على نار هادئة، وبعد أن تذوب نقوم بإزالة اللبن الطائش على سطحها، عندما تبدأ السمنة بالغليان نضيف إليها جريشة القمح لكي تمتص اللبن الزائد, نضيف ملعقة أو اثنتين من الحواجة على السمن ورشة ملح وهي على النار ونستمر بتحريكها، وتبقى لفترة ثم ننزلها عن النار ونتركها لتهدأ, ثم نضعها في مرطبانات للتخزين.

تتكون من فريكة وسمن بلدي وحواجة وكركم وملح ومية دجاج أو لحمة.

أولا، نضع مية اللحمة أو الدجاج في طنجرة على النار, ثم نضيف إليها السمن البلدي, ولك حرية في اختيار كمية السمن، ولكن يفضل أحيانا أن تكون كثيرة, لأن الفريكة تحب السمن, ثم بعد أن يغلي الماء تضاف إليه الفريكة المنقية مسبقا, وتترك إلى تغلي, ثم تخفف النار عليها، نتركها لفترة ليست طويلة, ولكن نستمر بتحريكها من فترة إلى أخرى إلى أن تنضج تماما.

تقدم على سدر إلى جانب الدجاج المحمر, وممكن أن يصف فوقها الدجاج ويزين الصدر باللوز والصنوبر المحمر بالسمن.

بنشتري لبن من اللبان كل يوم الصبح بكير على البراد، أو كل يومين مرة كميات كبيرة، بنعمل جميد بكميات، بندير اللبن بخرايط القماش الكبيرة، وبنحطه بمكان مرتفع عن الأرض شوي حتى ينزل المصل منه، بنتركه ساعة زمن وبنطل عليه باليوم أربع خمس مرات على بين ما ينزل المصل منه، وبنحط أحجار حجم كبير فوق الخرايط حتى يمصي من المصل ويجمد اللبن، وثاني يوم أو ثالث يوم بنديره بجاطات كبيرة، وكل جاط كبير بنحط عليه كيس ملح وبنعجنه مليح، وبنقرص اللبن الجامد، وبنكون مجهزين جاط صغير بيه ميه بنغط ايدينا بالمي بنملس وجه قرص الجميد، بننشره على طاولات بالجرايد على شان تتمصي المي من أقراص الجميد، ونفرش فوقيها شريطة بيضا نظيفة

بنجيب المشمش المستوي كثير وحلو، نغسله منيح وبنقيم منه البزر، وبنحتفظ بالبزر على جنب، بنحط عيارين مشمش وعيار سكر بالطنجرة وبنحطهن بالشمس لمدة ساعة على بين ما يذوب المشمش مع السكر، بعدين بنحطهن على نار هادية ونظل نحرك بيهن، قبل ما يغلي بشوي تطلع التخمة على الوجه بنقيمها بكفكير مخزق، بنحط عليه ذرة ملح ليمون، على شان نعرف أن المشمش استوى مليح بنجيب صحن مطفح وبنحط معلقة تطلي بيه، وبنفصلها بالإصبع الزغير، إذا فصلت معانها استوى وإذا رجعت معناها لسا ما استوى، وبنعبيه بالمطربانات وهو ساخن، وبنحط على وجهه نتفة زيت على شان يحفظه من العفن وقطعة نايلون وبنسكره منيح، وبنقلب المطربان على شان يسكر منيح من

نقيم رأس ورقة من كل حبة فراولة، يا نخليها على شكل حبة، أو نقسمها قسمين إذا كانت حبة كبيرة، بعدين نحط سكر فوق الفراولة بطنجرة تيفال ونغطيها لثاني يوم الصبح، يكون السكر منزل مية الفراولة، بعدها نحطها على نار هادية ونتركها حتى تستوي، ويتغير لونها، بعدها لما يبرد نفرغهن بمرتبان الكزاز ونحفظهن.

نجيب الشمام، نشيل القشرة اللي عليه، بعدها نقيم البزر من جواته وننظفه، بعدها نقطعه وننقعه بالشيد (الكلس) من الليل لثاني يوم الصبح، بعدين نغسله كثير منيح من الشيد لأنه سام، بعدها نحطه بالمي ونسلقه، وبعدها نحطه بالقطر اللي نكون عملناه من قبل، ونتركه على نار هادية حتى يغلي، بعدها لما يبرد نفرغه بالمرتبان الكزاز.