بنجيب المشمش المستوي كثير وحلو، نغسله منيح وبنقيم منه البزر، وبنحتفظ بالبزر على جنب، بنحط عيارين مشمش وعيار سكر بالطنجرة وبنحطهن بالشمس لمدة ساعة على بين ما يذوب المشمش مع السكر، بعدين بنحطهن على نار هادية ونظل نحرك بيهن، قبل ما يغلي بشوي تطلع التخمة على الوجه بنقيمها بكفكير مخزق، بنحط عليه ذرة ملح ليمون، على شان نعرف أن المشمش استوى مليح بنجيب صحن مطفح وبنحط معلقة تطلي بيه، وبنفصلها بالإصبع الزغير، إذا فصلت معانها استوى وإذا رجعت معناها لسا ما استوى، وبنعبيه بالمطربانات وهو ساخن، وبنحط على وجهه نتفة زيت على شان يحفظه من العفن وقطعة نايلون وبنسكره منيح، وبنقلب المطربان على شان يسكر منيح من البخار، بنخزن التطلي في مكان جاف بعيد عن الشمس، وبتاكل بالشتاء لأنه حلو، ممكن يتاكل مع الزبدة البلدية والمستوردة، ويغمس بخبز القمح البلدي، ممكن نعمل منه ساندويشات بالخبز الأبيض والحمام لأولاد المدارس في الشتاء وبعطيهم طاقة.

(بزرات المشمش بنقشرهن وبنخلي اللب تبعهن، ممكن نحط اشوية منه على التطلي وهو بغلي على النار، وممكن الناس يوكلوه لأنه حلو).