هي نوع من أنواع الحلويات الشعبية القديمة، عرفت في قديم الزمان وما زالت إلى الآن تنتشر في جميع مناطق البلقاء، وأهميتها أنها مرغوبة لدى الناس لأنها لذيذة وخفيفة وتعطي الطاقة للجسم.

المكونات: 4 أكواب سميد ، 2 كوب لبن زبادي، 1 كوب سكر،3 ملاعق بيكنغ باودر، كوب قطر، حبات صنوبر للتزيين أو لوز حسب الطلب، ملعقة طحينية لدهن الصينية.

طريقة التحضير: بنحط السميد في طشت عميق، بنحط للسميد ثلاث معالق من البيكنغ الباودر، وبنحرك الخلطة كويس، بعدين بنحط اللبن الزبادي على السميد وبنحرك كويس حتى يصير الخليط متماسكاً، بعدين بنحط كوب سكر ونخلط المزيج، بعدين بندهن الصينية بمعلقة طحينية وبنصب الخلطة فيها، بعدين نصير نملس وجه السميد باليد المبلولة حتى تصير ملساء، بعدين بنقطع السميد بالسكين إلى مربعات، بعدين بنحط في كل مربع بعض من  حبات الصنوبر أو اللوز المنقوع المقشر.

وبنحط الصينية في الفرن بدرجة حرارة متوسطة، وبنطلع الصينية من الفرن لما يتحمر الوجه.