عِبارة عن عجينة الخبز البلدي المكوّنة من طحين القمح، والتي تُفتّ باللّبَن البلدي بالإضافة للسَّمن البلدي، وتكون هذه العجينة بدون خميرة، وتعجن حتى تصبح متماسكة، ويُضاف الملح ونتركه لفترة من الزمن حتى يتجانس، ونقوم بتقطيع العجينة إلى قِطع كبيرة، وتُرقّ بشكل دائري وتكون سَميكة نوعاً ما، نُشعل النار حتى تصبح جمراً ونضع العجينة فوق صاج الخبز، ونضع السَّكَن الأسود تحت الحَجر وتُدفن، ثم تُترك لفترة من الزمن ساعة تقريبًا، ثم في هذه الفترة نقوم بمَرس اللَّبن حتى يصبح سائل ومُتماسك، ويُطبخ على النار، وبعدها نقوم بإخراج الخبز من النار، ونقوم بتقطيعه إلى قِطع، ثم نقوم بوضع اللَّبن فوق الخبز الساخن، ونق

عجينة عريضة وطريّة، وكنّا نِخبزها على الصاج ونقلّبها وبعدين بنقَطّعها لَقِطَع زغيره وبنحُطّ عليها سمن بلدي وسكّر، وكمان نسمِّيها فَرْك، ونُوكِلها في الإيد.

بنِعجِنها من الطّحين البلدي، بنخلّيها طريّة كْثير، واللزَّاقِيّة بنِخبزها على الصاج، بِنكون حاطِّينها على النار بتِيجِي المَرَة بتِحمل العجينة في إيدها، وبتِفرِد العجينة على الصاج وهو حامِي، وبِتجِيب السكِّينة مشان تِقلِبها، وبَس تخَلِّص الخبز كلُّه بِتجِيب الشّراك، وبتْحُطّ على أوّل شْراكَةْ زُبدة أو سمنة أو سُكّر، وبِجِّيب شْرَاكَةْ ثانية وبتحُطّْها على الأولى، وبِتظَلّ تحُطّ زُبدة وسُكَّر وشْرَاك حتى يِخْلَص الشّْرَاك كلُّه، وهاي الأكلة سهلة وسريعة، وخصوصاً لمّا يِجِي ضيوف.

هي أكلة قديمة كانت تقدّمها النساء عندما يخبِزْنَ على الصّاج (خُبز شراك)، بعد إنهاء الخبز يَضَعْنَها على الصّاج حتى تنضج، وتُفَتّ بالسكّر والزيت البلدي، وطريقة إعداد اللزّاقيّة بِتكون عبارة عن تخصيص قطعة عجين كبيرة في نهاية عملية الخبز، ثم رقّها بشكل سميك ودائري وتُوضَع على الصاج مع تخفيف النار، وتُترك حتى تجِفّ ويحمرّ الجزء الذي على الصاج، ثم نقلبها على الوجة الآخر، بعدها نقوم بفَتّ هذا الخُبز وتقطيعه إلى قطع متساوية ليستطيع الإنسان أكله بسهولة، ثم يُضاف إليها السكَّر وزيت الزيتون، وتكون كميّتُه كافية لتغطية قِطع الخبز وإذابة السكَّر، ويقدَّم إلى أفراد الأسرة .

هي عجينة من القمح البلدي بتكون مِرْقَة، وبجَهّزن النّسوان الصاج وبحُطّن وبِلَزّقِن العجينة  فُوقِيه يُوم إنُّه يِحمى الصّاج، وبعدين بِتصير مِثل شكل رغيف الصاج، وبِفِتُّوها في السكّر والسَّمن البلدي، وبُفُرْكُوها فَرْك في السكَّر والسَّمنة، وأزكى مليون مرّة من كنافة اليوم، وصِحتين وعافية.

بنِنْقَع السَّميد البُرغل الناعم ونجِيب لحمة حمرا غنم أو عِجل، وبِنجِيب البُرغل بعد ما ننَظّفُه ونْصَوّلُه وبِندُقُّه هو واللّحمة مع بعض في جُرن الكُبّة لَحَد ما يِخْتَلطن مع بعض، وبِنصير نسوِّيها دوائر في إيدينا وبنِفتَحها من النُّص وبنِحشيها في الحشوة اللّي بنكون مجَهّزينها من الأوّل؛ لحمة وبصل وبنِقليها، وبعدين بِنكون مارْسِين لبن الجَميد، وبَس يِغلي على الغاز بِنجيب الكُبّة اللّي جَهّزناها وبِنْسَقّطها في اللَّبَن، وبعدين بنِطفِي تحتها، وإذا بِنحِبّ بنِشويها بالصّينية طبقة لحمة وبُرغل وبنحُطّ الحشوة، وبعدين كمان طبقة لحمة وبُرغل في الفُرن، وبِنكون مقَطّعِينها قبل ما نِشوِيها.

بِنجيب الكَرشة من السوق أو لمّا تِنذبح الذبيحة، بنُوخذ كَرشتها وبنغسلها كويّس؛ بنُفرُكها بالملح والليمون لحَدّ ما تصير تِضْوِي ضَوِي، ما نشِمّ إلْهَا رِيحة، وبنِيجي بِنقَطّعها قِطَع لَحَالهِن، وبِنخَيِّط كل قِطعة لَحالها، وبقُولوا ليها شَخْتُورَة، وبِنكون مْسَوّيِين إلْها حَشوة من رُزّ ولَحمة وسمنة وبْهارات، وبنِحشِي كل وحدة وبنخَيّطها من عند بابها، وبِنجِيب السّكّينة وبنِحشِيها مشان يِستوي الأرز واللحمة، وبنحُطّها على الغاز وبَسلِقها بالمَيّ أول مرّة، وبِنكُبّ عنها، وبرجع بِنحَطّ عليها مَيّ وبنِرجِعها على الغاز وبنُطبُخها على المَيّ، وبِنكون مارْسِين لَبن جَميد وبنحُطّه عليها، وإذا حبِّينا

هاذِي كنَّا نسوِّيها كيف؟

كنّا قَبل نجِيب حُلبة ونِحْمِسها قْطِيمَة على النار، وبعد ما أحمِسْها قْطِيمة بحُطّ عليها عُصْفُر، وبِنحُطّ عليها سمن بلدي وهي على النار، وبعدين اللّبن بِعْزِل عَجَال والسَّمن بِعْزِل على جال،  وبِتْطَلّعِي  القِشْدِة، وبِتكون جاهزة  لَمَنّا نُوكلها.

وهي عبارة عن جَريشة مطبوخة مع الزُّبدة حتى تتحوّل إلى سمن بلدي، ويُضاف إليها البهارات والحواجَة من أجل إكسابها الطّعم الجيد، كانوا الناس زمان تربِّي غنم، وبعد ما الغنم ما تجِيب البَهَم الصغير ويصير فيها حليب، ونُحلُب من الغنم ونحُطُّه جُوّا السّعِن، والسِّعِن هو جِلد ذبيحة فيه إلُه طريقة خاصة نِعمله حتى يصير جِلد مَدبوغ، ونحُطّ فيه اللَّبَن لمَّا بِتْجَمَّع الحليب في السِّعن، بعد أكَم يوم لمّا يرُوب الحليب بِنْخُضّ السِّعن وبِنطَلِّع منُّه زُبْدة ولَبَن، ونحُطّ الزُّبدة في خَريطة أو جَاط كبير.

وهي من الأكلات الشعبيّة التي تشتهر بها الخليل والمنشيّة، ويُفضّل أن يكون القِدر من النّحاس.

وطريقة عملها: بِنجِيب جاجة مغسولة ومسلوقة مع البهارات، بنحُطّ بصل وثوم مقطّعين وحبّات هِيل وعُود وقِرفة ووَرَق غَار وحُمّص منقوع ومسلوق، بِنجيب بهارات الأرز مع عُصْفُر وفلفل أسود، وبِنحَمّر البصل والثوم، بنحُطّ الحمّص مع المَرقة والبهارات، وبنُتُركه يِغلي على نار هادية، وبِنكون ناقعِين الأرز وبِنْظِيف كميّة من المَرَق لَحَتّى يغطِّي الأرز اللِّي في الطنجرة، وبَس ينضج بنحُطّ قليل من الزُّبدة عشان الطَّعم.