القُطِّين هو عبارة عن تِين مجفَّف، وكما حدَّثتنا المُخبرة يتِمّ عمل القُطِّين: بنجِيب تِين مِسْتوِي بنحُطُّه في خَام (شرشف) أبيض، وبنُنْشُره في مكان فيه شمس حتّى يجفّ، وبعد ما يِتجفَّف بحطُّه في كيس قماش وبنِخزنُه، وبِنجَفِّف التّين في فصل الصيف.

طريقة عمل السمن كما حدثتنا المخبرة: تُوضع في طنجرة على النار حتى تذوب، وبعد هيك على شان يِصفى السّمن الذايب؛ يعني بنِفْصِل السمن عن اللَّبن، والسَّمن الباقي في اللّبن بِنْحُطّ عليه ثلج، وبعد ما يِجمد هذا السمن بنُوخذ من اللبن بعدين بِنْحُطّ السَّمن على النار، وبِظَلّ على النار لحتَّى ينظف من اللّبن كويِّس، ويمكن وضع كمية قليلة من جَريش القمح، وينظَّف كويّس من اللبن، وبعد ما نِتأكد إنه صَفّينا السمنة من اللبن، توضع كمية جيدة من الكُركم وحَوايج السمنة من عند العطّار، وبِظل على النار بعد وضع الكُركم مدة قليلة، وبَعدين بِنقيمُه من على النار، وبس يُبرد بنحفظُه في وِعاء نظيف مخصَّص للسمن.

البَقْلة هي نبتة بنِوضَع عليها بصل ولحمة، وكما تُحدثنا المُخبرة عن طريقة عمل البَقلة:

بِنْقَطِّع البَقلة وبنجِيب بصلة بنقَطّعها وبنِقْلِيها في زِيت وبنحُطّ عليها لحمة مفرومة، وبعدين بنجِيب البَقلة وبعد ما نِغْسِلها بِنْقَطّعها وبْنِقلِيها مع اللحمة والبصلة، وبنجِيب بَندوره بِنْقَطّعها وبنحُطّها عليها وبنقلِّبها على النار لمدّة نُصّ ساعة، وبنحُطّ عليها مِلح وفُلفُل، وفيه ناس بِعْمَلها بدون لحمة؛ بَس بَصل وبَقْلة وبندوره.

يستخدموا الناس مخلّل الخيار مع الأكل، ويتم عمل مخلّل الخيار كما حدثتنا المخبرة:

بعد ما نِغسله بِنجيب مِرتبان وبِنصفِّط الخيار فيهن، وبِنْحُطّ كمان شرحة ثوم وفليفلِة حارة وليمون عشان النكهة، وبِنجيب مَيّ وملح وبِنذوّب الملح في المَيّ، وبعدين بنحُطّهن على الخيار في المِرتبانات، وهيك يتم عملية كبس الخيار، وبعد أسبوع من كبسه بِصير مِستوي زابِط للأكل.

الهِيطَلِيّة هي نَشَا وحليب ومَيّ ومَاء زَهر وسُكّر، وكما تُحدثنا المُخبرة عن طريقة عَمل الهِيطَلِيّة: بِنجيب حليب وبنحُطُّه في طنجرة على النار، وبنحِلّ النَّشَا في مَيّْ باردِة وبنحُطُّه عليه، وبِنظَلّ نحرِّك على نار هادية لمَّا يِتجانَس مع بعضُه، وبنحُطّ كَمان السكّر وماء الزهر، وبِنظَلّ نحرِّك فيه بَس يِغلي وبنحُطُّه في صْحُون زجاج وبنخلِّيه حتى يبرد، وبعدين بنحُطُّه في الثلاجة، وبس يبرد بنحُطّ عليه جُوز قَلب وزَبيب وجُوز هِند.

اللَّبَنِة هي حليب مَغلِي ولَبَن رايِب ومِلح، وبنحُطُّه في كِيس قماش لمدّة يومين، وهيك بِصِير لَبَنة، وكما حدَّثتنا المخبرة عن طريقة صنع اللَّبَنِة: بِنجيب حليب بلدي وبنحُطُّه في طنجرة وبِنخلِّيه بس يِغلي، وبعدين بنحُطّ عليه لَبَن رايب شويّة وبِنغَطِّيه لمّا يصِير لَبَن رايِب، وبعدين بِنْصَفِّيه في كِيس قماش؛ بنحُطُّه في الكِيس لَيومين حتّى يِتصَفَّى، وبنحُطّ عليه ملح بَس ما بِنْكَثِّر، وهيك بِصِير لَبَنة بنحُطّْها في عُلبة بلاستيك أو مَرْتَبَان.

الطَّابُون ذلك المكان الذي يُصنع فيه الخبز، والذي ارتبط اسمه باسمه ليُسمَّى "خُبز الطَّابُون" وصناعة الطابون، فقالت المُخبرة: أوّل إشِي بنجِيب طِينة اسمها صَلصال وبنِعجِنها في المَيِّه والتِّبن، وبِنخَلِّيها لَثَاني يوم، بعدين بَلاقِيها عجينة عاديّة، بَعجِنها وبَصِير أرُقّْها بشَكل كَفّ طويل على الأرض (طُوق على الأرض بشكل مدوَّر)، وبترُكها ساعة أو ساعتين حتى تِنشَف وتِتحَمّل الطُّوق الثاني، وبَرجَع بَسَوِّي طُوق ثاني من الطّينة لمّا تلُفّ عليه ثاني مرّة مَحشِيّة وبَخَلِّيها لَثَاني يوم، وبَعدين بَرْجَع أحُطّ عليها طُوق ثالث، وبَظَيِّق فيه باب الطّابون مثل شكل فنجان، وبعد ثلاث أيام بنحُطّ مل

هي نبتة خضراء اللون يُضاف إليها البصل والزيت والملح، وكما حدّثتنا المُخبرة عن طريقة عمل الخُبِّيزة: بِنجيب الخُبِّيزة وبنَّظِّفها بالمَيّْ، وبعد ما نغسلها بنقَطِّعها وبنُفرُم راس بصل وبنحُطُّه في طنجرة، وبنحُطّ عليه زيت زيتون وبنِقليه فيه، وبنحُطّ ملح وبنخَلّيها على الغاز، وبنخَلّيها تِستوي، وعند الأكل بنُعْصُر عليها ليمون.

بِنجِيب القمح النَّظيف المنَقَّى من الشَّعير والحَبّ الثاني، وبِنحُطّْها في لَقِن نَظيف، وبِنبِلّْها مَيّْ؛ رَشّ بِنرُشّ عليها، وبنُفرُكها كويِّس في إيدِينا، وبنُوخِذها بِنْوَدِّيها البابور وبنخلِّيه يُجرُشْها، بَس ما تكون ناعمة كثير، وبس نرُوح على الدّار بِنَّخِّلْها في المُنْخُل وبِنقِيم مِنها الدُّقَّة (الطَّحين)، وبِنَّسِّفْها على سْدُورَة أو جَلايِل مِشان نْقِيم منها القِشرة، وبنِرجَع بِنَّسِّفْها على جَلايِل نْظَاف مِشان نْشِّفْها كويّس وما يظلّ فيها رطوبة؛ لأنها بتِخْرَب وبِتْسَوِّس، وبَس تِنْشَف بنحُطّْها في عُلَب نظيفة ومْسَكَّرَة، وبنِرفَعها على السّْقِيفة أو المَسْطَبة، وبَس وِدْ

هو عبارة عن سَفرجل وسُكّر وقْرُنفل، ويعتبر من أنواع الحِلو الذي يُؤكل مع القشطة والزّبدة والجبنة، وكما حدّثتنا المخبرة: بِنجيب سَفرجل وبنقطّعُه وبنغسلُه وبنقطعُه لأربع قِطع وبنحُطّه في طنجرة، وبنحُطّ عليه سُكّر، وبنحُطّ مَيّ حَسب الحاجة، وبنِغليه على النار أربع ساعات، وبنحُطّ عليه عَصرة ليمون حتى يِعْقِد، وقرُنْفل على شَان الطَّعم وبنتركه بَس يُبرد، وبعدين بِنجيب مِرتَبانات وبنحُطّ المربَّى فيهن.