بنِعجِنها من الطّحين البلدي، بنخلّيها طريّة كْثير، واللزَّاقِيّة بنِخبزها على الصاج، بِنكون حاطِّينها على النار بتِيجِي المَرَة بتِحمل العجينة في إيدها، وبتِفرِد العجينة على الصاج وهو حامِي، وبِتجِيب السكِّينة مشان تِقلِبها، وبَس تخَلِّص الخبز كلُّه بِتجِيب الشّراك، وبتْحُطّ على أوّل شْراكَةْ زُبدة أو سمنة أو سُكّر، وبِجِّيب شْرَاكَةْ ثانية وبتحُطّْها على الأولى، وبِتظَلّ تحُطّ زُبدة وسُكَّر وشْرَاك حتى يِخْلَص الشّْرَاك كلُّه، وهاي الأكلة سهلة وسريعة، وخصوصاً لمّا يِجِي ضيوف.