المعقود هو تخزين الغذاء الى الشتوية للاستفادة منها ويتم صناعته نحضر التين ويتم تغسيله ونجعل كوز التين كما هو وبعدين نضعه بالطنجرة طبقة من أكواز التين وطبقة سكر ليغاية غمره ونضع معه ورق عطره كما هي ، ونبيته ليلة كاملة وبعدها نضعه على النار على نار هادئة ولا يحرك ويترك على النار حتى بعقد أو يستوي ونضعه حتى يبرد ويرش عليه السمسم ويوضع في مطربانات زجاجية محكمة الاغلاق ويستخدم للأكل في الشتاء .

الزبدة نسويها من حليب الغنم المغلي ، وبعدما يبرد شوي نحط عليه شوية لبن رايب حتى نروبه ونتركه ساعه الى ساعتين لحتى يصير لبن رايب كله ، وبعدين نحطه بالجف اللي هو جلد الخروف المصلوخ عشان نخضه او نحط بالخضاضه عالكهربا ونظل نخضه ونحط فيه مي مجمدة لحتى تتجمع الزبدة ، وبعدين نطلع الزبدة من اللبن الخضيض ونجمعها بصحن ونحطها بالثلاجة عشان ما تذوب وبعدين ناكل منها .

والزبدة طعمها زاكي وناكلها مع المعقود والمرببى .

استمارة رقم 65

صناعة البهارات والتوابل

هو عمل تقوم به بعض النساء الكبيرات في السن والخبيرات .

فعند فصل الربيع من كل سنة بطلع على البرية وبتجول حول الوديان وتحت الحجارة وبنقي بعض الاعشاب البرية اللي بتساعدني مثل القرنفل والمليسة والحصلبان وبشتري بعض الفلفل الاسود أو قرون الفلفل الأخضر والزنجبيل وورق الغار والنعنع اليابس وبعمل منه مجموعة من البهارات والتوابل حسب الحاجة لكل نوع وبقوم بتقسيمه الى مجموعة بهارات منها الحار ومنها الحلو حيث نقوم بطحنه جيداً بودرة ونخلطه أو نطحنه خشن حسب نوع الطعام .

صناعة الرغل

بعد موسم الحصيد من كل عام نأخذ مقدار شوال من القمح ونسلقه في برميل خاص وبعدها نقوم بنشره وتنشيفه على سطح البيت ونقوم بتقليبه جيداً لمدة (12 يوماً) وبعدها نقوم بتنقيته من حبوب الشعير والحصى ، وبعدها ناخذه على المطحنة الخاصة للبرغل .

ونقوم ببله بالماء وخلطه جيداً ووضعه في المطحنة ، ونعمل منه البرغل الخشن والرغل الناعم عن طريق الغربال عن طريق فصله ، وبعدها نقوم (بنسفه) لكي نخرج الجريش منه (قشر حبات القمح) ونقوم بتخزينه . 

سليق القمح

بعد ما يخلص موسم الحصاد والدراسة تجتمع النسوان وتشره على الشمس مشان تطير منه الحشرات والفطريات ويصل على حالته يومين او ثلاثة بعدين يجيبن قدر كبير ويحطن القمح به ويعبنه ماء ويصيرن يصولن والتصويل هو : غسيل القمح وتنظيفه من الشوائب. بعدين ينشرنه على الشمس لحد ما ينشف من ثم بعد ما ينشف يجيبن القدور ويولعن النار تحتها ويحطن القمح ويضيفن الماء لحد ما يبدأ يغلي

بعدين ينشرن القمح على الشمس بعد ما يجف بيومين او ثلاثة قسم يودي على المطاحن للبرغل

وقسم يطحن بالرحى وقسم يضاف للبن ويطحن ويسمى كشك

ويحفظ في اطباق محكمة ويستخدم عند الحاجة

في شهر تشرين أول من كل عام وقبل أن يستوي الزيتون للعصر نقوم بانتقاء حبات الزيتون الخضراء الناضجة والغير مشوهه ونقوم بجمعها بسلات خاصة .

وبعد ذلك نقوم بجمع الزيتون على مشمع نايلون وتجتمع الصبايا والنساء ويقوموا بدق حبات الزيتون حتى تنفغش وهذه الشغلة تأخذ وقت ومجهود.

وبعد ذلك ننقع الزيتون بالماء لمدة يوم وبعد اليوم تصفي الماء عنه ونضعه في (دبابي) أواني بلاستيكية كبيرة محكمة الاغلاق ونضع عليه الماء والملح والفلفل المقطع والليمون الحامض وكاسة زيت ويحكم اغلاقه جيداً ، وبعد مرور أسابيع يكون جاهز للأكل . 

بعد ترويب الحليب ووتبييته في السعن او القرعاعة ليلة كاملة .يعلق السعن على الركاية ( هي عبارة عن ثلاث اعمدة من الخشب تركب على بعضها من الاعلى وتربط جيدا لتكون ثابته بحيث على شكل هرم.

ينفخ السعن ويربط (ثمه) اي فتحة السعن وتبدأ صاحبة البيت تحريكه او ضربة بقوة الى الامام والخلف بحيث يتحرك كامل اللبن الموجود داخل السعن لمدة لا تقل عن ساعتين وقد تصل الى ثلاث ساعات .

بعدها تفتح رقبة السعن وترى اذا عزل اللبن عن الزبدة عن وجه اللبن بحيث ان الزبدة تكون مفصولة عن الشنينة اما عند الخض بالقرقاعه لا يتم تعليقها بالركابة وانما يخض بها وهي على الارض .

هو عبارة عن حليب البا وهو أول ثلاثة أيام من ولادة العنز أو الغنم وهو مفيد جداً ويتم وضعه على النار حتى يشتد ويتم تحريكه بخفه حتى يصبح ثقيل وهو مفيد جداُ للجسم ويوكل مع الخبز ويضاف اليه القليل من السمن البلدي بعد استوائه .

استمارة رقم 95

خبز الصاج :طبعا خبز الصاج ما نقدر نستغني عنه لأنه اشي اساسي بالمنسف وكمان نستخدمة لعمل (اللزاقي ) بس يكون أطول شوي وأسمك شوي وكمان فيه خبز ينفت بالسمن البلدي والسكر ونسميه (المفروكية) وفي (المصلَى ) عجين مخمر طبعا نغمس فيه تغميس على الاكل ،والصاج أشي أساسي من مستلزمات البيت وعادة المرأة تفضل إنه تعمل (خبز الشراك) عن غيره من انواع الخبز لأنه أسهل أشي وأطيب كمان .

وخبز الشراك عبارة عن طحين ومي ورشة ملح ينعجن مع بعض وينترك عشان يتخمر لمدة ساعة بعدين ينرق على الصاج .  

استمارة رقم 153

لماذا سمي خبز الصاج