ماشطه، كانت تحكيلنا ستي الله يرحمها زمان ما كان في صالونات للتجميل مثل هالايام كانت تيجي عنا الكوافيره وكانوا يسموها ماشطه كانت تقص شعورهم وتحنيها وتسحبلهم اياها بالمكوايه ما كان في سشوار او نلفلف شعورهم بلفافات الشعر وتعمللهم التساريح ومن الحركات الي كانت تعملها بشعرهم التجديل ب 3 خصل او 4 خصل او السنبله كانت يخصلن وممكن تعمل جدوله وحده على الضهر او على الجنب او تقسم الشعر من النصف وتعملهم جدولتين كل واحده على جنب ومن الاعمال الي كانت تعملها الماشطه المكياج كانت تمكيجهم كل واحده تتمكيج حسب عمرها النسوان الكبار بتحطلهم مكياج بارز وواضح اما الصبايا الصغار بتمكيجوا مكياج ناعم وخفيف وكانت تعمل

المعروف دايماً عنا في المجتمعات المحافظة انه الشب بيجي يطلب البنت بس كان زمان عند البدو ما فيها عيب اذا البنت خطبة الشب بس البنت ما بتروح مباشره عند الشب وبتحكي معو قبل يكون في معرفه بين العيلتين وبعجبها الشب وبعجبها شجاعته وكرمه بتروح البنت بتبعت رساله عن طريق صاحباتها اذا بعرفوا اخواتوا او عن طريق واحد من صحابه وبحكولوا انه فلانه بدها تتجوز منك.  وطبعاً البنت ما بتشوف شي

هي من العادات القديمة عند العرب بالشرق والغرب والتي ما تزال بعملوا فيها الناس ويعتبروا العرب العبايه من اهم الاشياء عندهم لكبار السن بالذات يعتبروها لباس اصيل وتكون للعباية قيمه معنويه اكثر اذا كانت موروثه من الاباء والاجداد وبستخدموها كثير بالاعراس يقوم الخال بتغطية بنت اخته ويدل ذلك على رضا الخال الاكبر على زيجة ابنت أخته ويقدم لها التهاني والرضا عنها وبنقل "بنقط" الخال ابنت اخته بعد تغطيتها بالعبايه من مكانها في الصمده ويسلمها لزوجها.

احنا كنا ريحين نحضر عروس لأحد أصدقاء العائلة وتفاجئت انهم مش راضين أهل العروس يطلعوا العروس مع الجاهه اللي حضرت من قبل اهل العريس فسألت ليش بعملوا أهل العروس هيك فقالت لي الراوية كله في أشي مختلفين علشان " تسعة الخال" ما بيصير تطلع العروس الا يكون خالها موجود وهو اللي لازم يطلعها وينقطها المبلغ اللي بيطلع من نفسه ولازم يكون فوق تسع دنانير ولازم يكون واحد من طرف اهل العريس موجود وعلى ما قد ينقط الخال لازم ينقط هذا الشخص اللي من طرف العريس وعشان هيك سموها "تسعة الخال" في كمان عنا عباة العم وهاي أهل العريس يدفعوها لأهل العروس

بتنعمل صرر الحلو من قبل اهل العريس كنوع من التعبير على الفرحه الموجودة وبتكون هذه الصرر موجود فيها انواع مختلفه من الحلو الجاهز توفه،بيض حمام، شوكولاته،ملبس...الخ بعملوا اهل العريس كميات كبيره من الصرر وبتتوزع ليلة العرس او يوم  العرس بعد الغدا عند النسوان يوزعوهم لحالهم او مع عصير وعند الرجال يوزعوهم مع القهوة على الصينية وصرر الحلو ممكن تكون للمناسبات ثانيه غير العرس مثل مولود جديد او تخرج وطبعاً لما اهل العريس يوزعو الصرر النسوان ببلشو المهاهاه تبعتهم وببلشو يغنو للعريس ويفرحو فيه كنوع من التعبير عن الفرحه.

 هو حسب مفهومنا انهاء الحياة والصلة والرابط الي يجمع بين الشب والبنت والطلاق طبعاً بكون برضا من الطرفين أو بطلب أحد من الطرفين والطلاق بكون ناتج عن عدم الاتفاق على أمور اجتماعيه أو فكريه يعني كل واحد تفكيره مختلف عن الثاني وهاذا بسوي مشاكل بينهم وممكن يكون كمان عيب خلقي في الرجل أو المرأة خاصه اذا كان يأثر على العلاقة الزوجية وكمان ما بكون في ثقافه كافيه بين الشب والبنت في طبيعة الحياة الزوجية ومهام كل من الطرفين ومن أسباب تدخل اطراف خارجيه في حياتهم مثل والدين الزوج أو الزوجه وكل هاذا يؤدي الى الطلاق بس الطلاق مش دائماً يعتبر سيء في بعض مواقف يعتبر الطلاق من أفضل الامور وبكون افضل للطرفين

 انو تطلب المرأة الانفصال عن زوجها السبب معين أو لعدة أسباب بسبب الشرط انو ترجع إلو الي اعطاها اياه من مهر وتوابعه والخلع بينتج عن اسباب اجتماعيه زي سوء خلق الزوج أو صعوبة الحياة معه أو بتكون المرأة مش قادره على الاستمرارفي الحياة الزوجيه لسوء معاشرته ومعاملته ومنها بتكون اسباب ماديه مثل انو الزوج ما بصرف على البيت وما بوفر متطلبات البيت وهاذا كلو بأدي الى الخلع والخلع بجوز في الدين يعني مش حرام بس في شروط للخلع انو يكون هناك سبب مقنع للخلع وانو تراجع المرأة ما اعطاه اياها من مهر وتوابعه الا اذا سامح الزوج المرأة بالمهر وتوابعه والخلع اغلب اوقاته بتكون لما تعاني الزوجه "المرأة" مع الرجل معا

الأولوية  الاشخاص ألي إلهم "لهم" الحق في البداة هم الاقارب والجيران والبداة هي الاولوية مثلاً انه أهل البنت ما هم حرين "ليسو حرين" بزوج بنتهم ب ألي يريدون يعني ابن العم أبدا بنت عمه وهو أحق بيها حسب العادات يعني قرايب البنت وعيال عمها إذا ما اعترضو يصير حق البداة (ابناء العشيرة وإذا ما في من ايناء العشيرة أي مبتدي إنتقل الحق إلى العشيرة الحليفه أو المواليه للبنت يعني في حالة بيع ارض أو خطبه بنت يعلن المنتدي انه اولى من الشاري أو الخاطب بوجود شهود حاضرين إذا كانت بيعخ يحضر الثمن قدام الشهود ويشهد وإذا كانت خطبه يحضر المهر "مهر بنت العم" ألي اتفقو عليه وبحضور الشهود.  وإذا ما حضر المهر أو الث

 بعد العرس بتوجهوا العرسان للبيت بجهزوا حالهم وشنتاتهم واغراضهم عشان يسافروا لبلد معين يقضوا فيه شهر العسل وبتكون العروس قبل ما تسافر ضابه ذهبها ونقوطها من العرس عند أمهاوبكون العرسان متفقين على المكان الى بدهم يقضوا فيه شهر العسل قبل العرس و بسافروا على البلد الي هم اختاروه ومش شرط شهر العسل يكون شهر كامل ممكن يكون اقل وهذا بحدده العرسان وشهر العسل بكون اما على حسلب العريس او بكون نقوط من ابوه  او اخوه او اخته والمكان بكون مش بعيد كثير يعني بروحوا على مناطق حلوه انا اخذت مرتي  على اسطنبول وقعدنا هناك اسبوعين وبشهر العسل بتكون الحياة الزوجيه حلوه وبصير بينهم حب اكثرومعاشره حب اكثر وبتعرفوا

العنوسه يقول الراوي عن تأخير الزواج ما كان في عدد كبير من البنات بتأخروا عن الزواج في أيامنا لأنو كان عدد الناس اقل واحيانا كانت البنت بتطلب اشياء كثيره او يكون اهلها طالبين مهر كبير والذهب عالي وهيك الشب ما بدو يتجوز وبتتأخر البنت عن الزواج بين ما كنا نحكيلها اي اشي بس مسمى العانس هذا الاسم جديد وهاي الحاله نادره جداً بس بأيمنا صارت المهور كثيره وما في مصاري مع الشب ليفتح بيت ولهيك الواحده بطول شوي وصار سم العنوسه( ب 35 سنه )بوقتنا الحالي