بعد العرس بتوجهوا العرسان للبيت بجهزوا حالهم وشنتاتهم واغراضهم عشان يسافروا لبلد معين يقضوا فيه شهر العسل وبتكون العروس قبل ما تسافر ضابه ذهبها ونقوطها من العرس عند أمهاوبكون العرسان متفقين على المكان الى بدهم يقضوا فيه شهر العسل قبل العرس و بسافروا على البلد الي هم اختاروه ومش شرط شهر العسل يكون شهر كامل ممكن يكون اقل وهذا بحدده العرسان وشهر العسل بكون اما على حسلب العريس او بكون نقوط من ابوه  او اخوه او اخته والمكان بكون مش بعيد كثير يعني بروحوا على مناطق حلوه انا اخذت مرتي  على اسطنبول وقعدنا هناك اسبوعين وبشهر العسل بتكون الحياة الزوجيه حلوه وبصير بينهم حب اكثرومعاشره حب اكثر وبتعرفوا على اطباع بعض وبتكون نفسية العرسان مرتاحه انهم بعاد عن كل القرايب الي ممكن يزودهم بأول ايام العرس وبشهر العسل يلف العرسان بالمكان الي راحو عليه يعني يطشو ويشمو هوا في المكان الي هم بروحوا عليه ولما برجعوا بتكون الفرحه كبيره الآهل برجوع العرسان لبيتهم وبتصير العروس تحكي لخواتها وأهلها عن الاماكن الي راحوا عليها وعن الفرحه الي كانوا فيها بشهر العسل ونفس الشي العريس بحكي لاهلو واخوانه وهذا الي خلى شهر العسل من العادات والتقاليد الزوجية الحلوة والمهمة والي بهتم فيها اكثر البنات.