المعروف دايماً عنا في المجتمعات المحافظة انه الشب بيجي يطلب البنت بس كان زمان عند البدو ما فيها عيب اذا البنت خطبة الشب بس البنت ما بتروح مباشره عند الشب وبتحكي معو قبل يكون في معرفه بين العيلتين وبعجبها الشب وبعجبها شجاعته وكرمه بتروح البنت بتبعت رساله عن طريق صاحباتها اذا بعرفوا اخواتوا او عن طريق واحد من صحابه وبحكولوا انه فلانه بدها تتجوز منك.  وطبعاً البنت ما بتشوف شي

عيب بهذا الشي لانه طلبها للزواج منو يعتبر تكريم الو وتشريف لعيلته انه يتجوز من بنت شجاعه وقد حالها. واحياناً بتعطي الشعراء اخبار عن جمالها وبروحوا الشعراء يمدحوها امام الشخص يلي بتحبوه يتغنوا بمحاسنها قدامه بطريق مقصوده او يقول الشاعر "يبلاك بحب فلانه" والشب بوقع بحبها قبل ما يشوفها.وعلى رأي المثل اللأذن تعشق قبل العين احيانا  وكثير من الشباب كان يوقعوا بغرام فتاه وبتعبوا بالفراش واذا ما نفع معهم الطب الشعبي كانت تيجي عجوز تزوره وتحرق قضيب من الحديد قدامه وتحكيلوا اذا ما بتحكي الحقيقه يكوي اي جزء من جسمك بالحديد وبعد ما يحكيلها يطلب منها كتم سره ويساعده بالزواج بالبنت يلي بحبها