هي مجموعة أغاني تُغنّى في أوّل يوم العرس بعد صلاة المغرب مباشرة، والهدف منها إعلام الناس عن بداية سهرات العرس. هذه الأغاني بِسَمُّوها (أغاني الغَزَّة)، وتتغنّى في أول يوم من أيام سهرة العرس؛ حتى  تعرف الناس إنُّه العرس قد بدأ، وتفرح  لمّا تسمعها. حتى بِحضّروا  مسجِّل أو فيه أكثر من  واحد  بِجيب معه مسجّل عشان  يسجّل أغاني الغزّة، وكانت موضة عند الناس إنهم يزمُّوا المسجِّل معهم،  وكان يصاحب هَاي الأغاني إطلاق نار كثيف، حتّى اللّي ما بِسمع  يِسمَع  صُوت الطَخّ  ويِجِي يِسْهَر بالعرس، ومن هاي الأغاني:

كان وما زالوا البدو يحتفلوا يوم الأربعاء بالعريس في سهرة الشباب هو  وأصحابه وعْيَال عَمُّهْ واخوالُهْ وجِيرانُه، ويقولوا:

دِير المَيِّهْ عالعَريس، مْبَارك عُرسَك يا عَرِيسْ

دِير المَيِّهْ عاللّيمون، مْبَارك عُرسَك يا مَزيونْ

دِير المَيِّهْ عالتفّاحْ، مْبَارك عُرسَك يا شُجاعْ

وكانوا البدو يسمُّوا هذا اليوم (ليالي السّامر)  أو (التباين)، وكان الرجال يشاركوا فيه  بالغناء والرقص  والهجِيني والدَّبْكَةْ.

يا رايحةْ لامِّ العريس قُولي لْهَا                         عَريسْنا  طَاح الزَّفّةْ عَريانِ

وَدِّيت لُه 200 بَدْلِةْ  مْصَفَّطَةْ                          يِلْبَس ويْلَبِس جميعَ الشُّبَّانِ

يا رايحةْ لامِّ العريس قُولي لْهَا                          عَريسْنا طَاح الزَّفّةْ جِيعانِ

وَدِّيت لُه 200 جاجةْ  مْحمَّرةْ                           يُوكِل  ويِطْعَم جميعَ الشُّبّانِ

يا رايحةْ لامِّ العريس قُولي لْهَا                         عَريسْنا طَاح الزَّفّةْ عطشانِ

في أسبوع العرس، تحديدًا قبل الزفّةْ في يُوم، ليلة وداع العروس بيجُوا أهل العريس هالنِّسوان وبِجيبِن مَعْهِن حِنَّةْ وبحنِّن أدِين العَرُوس،  وبِغَنّن عِندها وبِرَوّدِن عندها، وبِقولن:

مِن بنات الحُوشِ يا جَميلَةْ                من بنات الحُوشِ يا هِيهْ

ما تِريدَ الغُوشِ حَيِيَّةْ                      ما تِريدَ الغُوشِ يا هِيهْ

ولُمِّي يا لُمِّي وحَشِّيلِي مَخدّاتِي           طَلعت منَ البِيت ومَا وَدَّعت  خَيَّاتِي

دَنِّ القَلَم  وَابْيَضَ القِرْطاس            وِبْخَاطِرِي نَظِم بِيتينِ

تُخبرنا فايزة عن الأغاني اللِّي تُقال وتُغَنَّى في الأعراس، ومنها:

يابُو رَشِيدَهْ  قَلْبِنا اليُومِ  مَجْرُوحْ

جَرْحٍ غَمِيقٍ بِالحَشَا مِسْتَظِلِّ       جَابُوا الطَّبِيب  ومَدّدُونِي عَلى اللُّوحْ

قُلْت بْرَخَاوَةْ مَا عَشِيرِي يِطِلِّ

جَاني حَبيبي مِقْدام الثُّوبِ مَسطُوح            بَالله  عَليكُو وِانْ  لَفَى مَحبوبي دِلُّوه عَلَيَّا

                              دِلُّوهْ عَلى المِفْتَاح وِبْطَاقَة البِيتْ

وِانْ ما لَقَا المِفْتاح صَوِّتْ عَلَيَّا                    شُوقِي غَاسِل مَحْرَمْتُهْ، نَاشِرْهَا عَالرُّمَّانِهْ

عند وصول الفاردة (القطار) إلى بيت أهل العروس تقف النساء عند باب منزل والد العروس، ويبدأن بالرّويد الحزين التالي الذي سمِعْتُه من الحاجّة  ثريا سالم البلوي:

وافْتَح لْنَا البابِ                        والشَّمس اَحْرَقتنا

الفرَحَةْ لَلصِّبيانِ، والعِزّ لَك            وَالفَرْحَةْ لَلصِّبْيَان

لا تْقُول نْسِيتَك، بَيِّي يا فْلان           لا تقُول نْسِيتَكْ

وِانْتَ الِمْبَدَّى، يا بَيِّي فلْان             وِانتَ المْبَدَّى

أوَّلْ مَا طَرِيتَكْ وِانْتَ الِمْبَدَّى           وعالصَّدِر دَلِّيتَك يا طُوقِ الفِضَّةْ

يا رايحةْ لامِّ العريس قُولي لْهَا                         عَريسْنا  طَاح الزَّفّةْ عَريانِ

وَدِّيت لُه 200 بَدْلِةْ  مْصَفَّطَةْ                          يِلْبَس ويْلَبِس جميعَ الشُّبَّانِ

يا رايحةْ لامِّ العريس قُولي لْهَا                          عَريسْنا طَاح الزَّفّةْ جِيعانِ

وَدِّيت لُه 200 جاجةْ  مْحمَّرةْ                           يُوكِل  ويِطْعَم جميعَ الشُّبّانِ

يا رايحةْ لامِّ العريس قُولي لْهَا                         عَريسْنا طَاح الزَّفّةْ عطشانِ

افتَح الْنَا البابِ، يا بَيِّي فلان

أَهَلِنَا  غْيَابِ، والشمس احْرَقَتنا

كَثَّرَ الله  خِيركُو، يِخْلِف عَليكو، كَثَّر الله خِيركُو

ما لَقِينا غِيركُو، حِينَ الشَّدايِد، ما لَقِينا غِيركُو

ياللِّي عالطَّريقِ، يا هَالبيوتِ، ياللِّي عالطَّريقِ

يا بَلُولَ الرِّيقِ، يا بَيِّي يا فْلان، يا بَلُولَ الرِّيقِ

والبْيُوت بيُوتْنَا، والفَرَح لِينا، والبْيُوت بيُوتْنَا

والعَدُوّ يْمُوتِ، صَديقي يِفرَحْ، والعَدُوّ يْمُوتِ

لَمِين البِيت اللِّي بْوَسْطِ الحَارَةْ؟

بيتَ ابو فْلان مَقعد للأَمارَةْ

حَطَّتْ عَلى البَابِ حَارِس يا            حَطَّتْ عَلى البَابِ حَارِس يا       

مَنْ هُو على الخِيل جالِس يا           مَنْ هُو على الخِيل جالِس يا          

خَلَّكْ على الخِيل جالِس يا               خَلَّكْ على الخِيل جالِس يا          

حَطَّتْ عَلى البَابِ شِبْرِق يا               حَطَّتْ عَلى البَابِ شِبْرِق           

والكُحُل بالعِين يِبرِق يا                 والكُحُل بالعِين يِبرِق يا           

يالبِنِت قالت لَابُوها يا                   يالبِنِت قالت لَابُوها يا          

هي عبارة عن الأغاني التي تبدأ بها سهرات حفلات الأعراس، وتبدأ كل يوم بعد صلاة المغرب بحيث تجتمع عدد من النساء الكبيرات وتبدأ بالغناء فيما يسمى أغاني الشُّعْبة، والشُّعبة هي عمود بيت الشعر.

زمَان كانت النِّسوان تِيجي بعد صلاة المغرب كل ليلة وتجمع عند شُعبة البيت وتغني أغاني جميلة ونسميها الغزَّة أو غزّة الشُّعبة، وكان عدد النّسوان مرات بزيد عن عشرة بِقِسمين حالهن فريقين؛ فريق بِغني وفريق بِعيد وراهن، وزَيّ ما بِغنن بِغنّن نفس الشيء.

النسوان أغانيهن جميلة ومعبّرة، ومن اللّي كانن يغنّنه:

صلُّوا عالنّبي ياللّي عالبَلكُون

صلُّوا عالنبي ياللّي زفّتنا اليوم