جريو الحضن

هو اصغر طفل في العائلة وخاصة لما يكون اخوانه كلهم كبار وتخلفو الام بعد توقف لعدة سنوات ودائما اصغر  ولد في العيلة هوة جريو الحضن وكل العيلة تظل تدلل من الام والاب والاخوة الكبار ويظل اكثر وقته يقعد في حضن ابيه يعني انه جرو في حضن الاب واخوته الاكبر منه لما يحتاجو شي يقولو له اطلب من الاب كذا وكذا يعني انه واسطة لهم عند الاب بأي طلب يحتاجونه منه لان طلبه لا يرد ولكن حسب غلاوة جريو الحضن يكون الاستجابة لطلب الاخوة. 

المرأة بس تحمل أول شهر يصير عندها فضول تعرف جنس مولودها بنت أو ولد وفي علامات تدل على جنسه ما تعرفها الا الامهات والجدات من هاي العلامات :

1. اذا كان البطن رافع لفوق وكبير يعني أنه الام حامل ببنت واذا كان نازل يعني ولد .
2. إذا الام كان وزنها كبير يعني حامل بنت أو أذا ظل جسمها زي ما هو وصار وجهها تعبان ومرهق يعني حامل بولد .
3. لما الام ترغب للحلو تكون حامل ببنت ولما ترغب للموالح والحامض تكون حامل بولد .
4. إذا قلب وجه الام احمر وصارت احلى يكون المولود بنت واذا بشعت يكون المولود ولد.

تجهيز ديارة البيبي (المولود الجديد)

عند دخول الحامل بالشهر السابع تبدأ الحامل وأقرباها امها وحماتها بتفصيل لباس للمولود الجديد (ديارة) تكون تنقية الالوان حسب جنس المولود ، اذا كان ولد يكون غالب اللون الازرق واذا كانت بنت يكون اللون زهري أو أحمر .

وتبدأ النساء بقص القماس والتفصيل للمولود الجديد وزركشة الملابس مثل الجاكيت والفستان والملفع وغيره .

ويرافق التجهيز بعض الاغاني والترانيم التي ترحب بقدوم المولود الجديد وتقوم النساء الاخريات بالرد على الأغاني .

وأثناء التجهيز تقوم قريبات الحامل وقريبات الزوج بإحضار هدايا للمولود للمشاركة بجهاز البيبي .

النحولة هي عبارة عن هديه غالبا ما يقدمها شخص لطفل أو مولود صغير خصوصا اذا كان هو الذي يسميه .

من عادة اكثر العرب انه اذا انولد مولود ويسمى على اسمه او طلب انه هو الي يسميه ، يعطي اهل الطفل هدية تكون على اسم المولود وهي اما راس من الماشيه او اي هديه يراها مناسبه 

                      المولود الصغير

كانت البدو عند مجيء المولود الصغير تفرح وتوزع الحلو والنساء تزور الولادة يحضرن الطعام لها ويتطمنن عليها ويشتغلوا اشغالها ومساعدتها .

المصنع (حفلة طهور) تتسوى للولد الصغير إلي توه مطهر وفيها  اهازيج :

"يا أم المطهر حياك    بعنه الكحيلة يرضاك    بعناها واشتراك "

وفي يوم الطهور أهل الولد يذبحون ذبيحة والام تعمل حلويات يسمونها أهل اول (بسيسة) وهي تعمل من الدبس وطحين القمح يفركون الطحين بالدبس وما تنحط على النار (بدون نار) وتتوزع للاولاد الصغار ومرات يجيبون راحة أو حلاوة يوزعونها .

استمارة رقم 16

بعد ما تخلف المرأة تكون مجهزة للمولود الجديد جهاز للخلفة ومن هظ الجهاز اشي يقولوله اللفاع وهو قطعة قماش 2م مربعة تكون بيضاء تطرز عليها الام عند الخياطة ويكون معها مقاطة مطرزة لها لون القماش ويلف المولود باللفاع وبعد ماينلف تنجاب المقاطة وتنلف حوالين اللفاع عشان تثبت المولود من ايديه لرجليه

استمارة رقم 22

المولود لما ينولد لازم تعتني فيه امه بطريقه مميزة أول إشي وعلى طريقة الاسلامية المولود لازم يتأذن بإذنه اليمين وبعد هيك لازم يرضع رضاعة طبيعية ولازم امه تبعده عن الرضاعه الصناعيه وبالحالة هاي لازم تتغذى عشان يدر حليبها ولازم تنتبه لأكلها وتنوعه زي الفواكة وشوربة العدس والحلاوة اللي تساعد على ادرار الحليب هسه في اساليب كثيرة للعناية بالمولود زي تجميله بالكحل العربي وغسله بالمي والملح من لما ينولد وبعد هيك تصير أمه تحممه يوم بعد يوم ولازم يكون يوم حمام زيت ويوم حمام بمي هيك عشان يقوى جسمه ويكبر بسرعه ويقوي عظامه والمولود عنا لازم يكتحل ببصل عن طريق (المرود) نغزه براس البصل ونكحل فيه المولود .

استمارة رقم 2

استمارة رقم 1

الطهور : لما تخلف الوحدة ويكون المولود ذكر بعدها بفترة ما هي كثيرة يبدأ ابو الولد يدور على مطهر عيال ويطهروه وتبدأ بعدها الافراح لمدة اسبوع او اكثر او اقل حسب رضع العيلة ومستواها ويوزع بين العرب الحلويات الموجودة وهناك اهازيج وغناء يغنن ودبكات :

ايه يا ناس صلوا عالنبي

                   ايه صلاة بصلاتين

اية صلاة لمحمد

               ايه صلاة ترد عن المطهر العين

والناس تيجي تهني اهل الطفل المطهر ويوزعون عليهم حلو ومغرمش وملبس ويقوم الناس بأحضار هدايا ونقوط له والشلبي المطهر يضل يراجع الطفل لما الجرح يطيب .

استمارة رقم 23