بعد الولادة بصير يرضع الطفل رضاعة طبيعية مني او رضعات حليب صناعي وبضل ارضعه مني لحتى يصير عمره لحد السنتين او قبل هيك حسب صحتي وادرار الحليب عندي اما الحليب الصناعي بضل اعطيه لحتى يكبر وحسب تقبل الطفل للحليب الصناعي لأنه في اطفال كتير بتبطل تشرب حليب لما تكبر والحليب الصناعي للطفل الرضيع هو حليب بودرة مخصص للأطفال تحت سن السنتين وبنحله بمي مقطرة وبنشربه للطفل ولما بدي افطم الطفل عن الرضاعة الطبيعية ببطل ارضعه مني وبصير ارضعه واشربه حليب صناعي بس والطفل اولها ممكن ينكد ويعيط بس بعدين بتعود على الرضاعة الصناعية الرضعة واقل مدة تفطم الطفل عن الرضاعة الطبيعية هي ست شهور او سنة وحسب طبيعة جسم كل

 احنا كمسلمين عن موضوع الطهارة موضوع مهم وكبير جداً في نفوسنا انو لازم الشخص المسلم يكون طاهر من كل النواحي لانو دينا حثنا على الطهارة من بداية الولادة لازم الطفل يتطهر وهاي تعتبر طهارة وكمان طهارة الملبس انو الانسان ما يلبس اواعي فيها او عليها اشي من نجاسه مثل البول او البراز او المني وهاي تعاليم ديننا الاسلامي وكمان انو الانسان يتطهر في حال حدوث جماع بينه وبين مرته او حتى لما يدخل على الحمام وموضوع الطهارة موضوع ملازم للانسان لكل تصرفات حياته وممارساته والطهارة ما الها وقت محدد هي بجميع الاوقات لانو ما بصير بأدي اي عباده لله عز وجل الا لما يكون الشخص على طهاره وموضوع الطهارة واجب على كل ا

كانت زمان لما الوحدة بتولد بيجو عندها الجيران والاقارب علشان يهننوها بالمولد الجديد ايش بيجيبوها الجارات وكانت هداياهم للمولود  او الوالده يحطو على صدر الطفل ليره او نصف ليره او بيجيبوا معهم كرتونة بيض او رطل سكر يا جاجه مش مطبوخه واذا كانت الهدية مدمسه بيجيبوا معهم باكيت ناشد لما كان للناشد عزه اما هدايا اليوم فهي مكلفه جداً بيجبوا للطفل وللام قمصان نوم او بيجاما غاليه وللطفل ملابس طفل ثمينه او حتى كوت او سرير او عرابيه كمان اليوم في موديل اول طفل بيبي للعائلة يتكون كسوة هذا الطفل على ام البنت وبتكون مكلفه على الاهل مبلغ وقدره.

مكوناتها دجاج بقدونس ورز أو لحمه الناس بتجيب اللحمه بتنظفي الجاج وبسلقية وبعدين بتصفيه وبعدما يستوي بتكون ناقعه اشوية رز وفارمه البقدونس كميه صغير بعد ما يستوي الجاج بتصفي الشوربه بتحطي على الشوربه الرز والبقدونس المهم الشوربه اتكون اكثر من الرز في منهم بقلوا الجاج وفي منهم بحطو جواالشوربه أطرى للولادت الشوربه بطعموها للولاده الفائدة بتعمل حليب وما بتعمل امساك ومفيده للولاده وسهلة للآكل لانها بتكون تعبانه وهي سهله وغير مكلفه بس هلأيام بتكلف لانو الجاج غالي  وكلو غالى بعملوها بمكعب ماجي  سهل تعلمها .  كمان في ناس ما بقدموها للولاده فقط في ناس بعملوها كانها شوربه عاديه بعملوها برمضان خفيفه عل

المراة بعد الولادة بتكون بحاجه للأكل ومن الشغلات يلي كانوا يطعموها للمراة التمر والبيض و بتتسمى هاي الاكله الفتاحه وبعدها يطعموا المراة اكله اسمها ارشيديه وهي عباره عن طحين ولبن وسكر طبعاً هاي اكلات مفيدة كثير للنفساء لآنها بتنظف الرحم وبعد الولادة مباشرة اذا الطفل ما بكى الدايه بتضربه ضربه على مؤخرته عشان يبكي لانه الطفل اول ما ينولد لازم يبكي واول ما ينولد الطفل الصغير لازم يشرب ميه وسكر عشان بنظف بطنه وبعدين بتوضع الام ابنها والداية بتحمم الولد بالمي والصابون الملح لمدة اسبوع او اكثر كل يوم عشان تنزل صرته ومن العادات القديمة انهم يكحلوا المولود الجديد سواء كان ذكر او انثى وكانوا زمان يدف

هي مره بنجيبها في حالة الولادة لما يكون في حدا عنا بالعيلة بدو يولد من النسوان في دايات كانوا زمان معهم شهادات خاصة بالتوليد وفي دايات ما كانو معهم شهادات بس الناس كانت تتعامل مع دايه معينه حسب المعرفة والتجربة والسمعة وهي نفسها الي هلأ صار اسمها القابلة القانونية زمان ما كان فيه مستشفيات كثير كان اغلب النسوان يولدوا في البيوت عشان هيك كانت الداية معروفة عند الناس واغلب النسوان هلأ بولدوا بالمستشفيات وخصوصاً في المدن بس في ناس لحد هسه بتعاملو مع الداية في المناطق النائية مثل القرى والبدو وكانت الداية لما تيجي علشان حالة الولادة بتجيب معها شنته فيها مقص وخيطان عشان تستعملهم بالولادة تقص الحب

الولاده او القابله القانونيه بأيامنا الحاليه نسميها القابله القانونيه كانت ولحد الان بيستخدموها في كثير من القرى بنجيب الدايه للمره الحامل من بداية الحمل حتى إتابع حالتها من البداية حتى لحظة الولاده .  لحظة الولاده بنجيبها وبتشوف رأس الطفل إذا كان باين أو لأ لما يبان رأس الطفل بتخبر الموجودين من النسوان انهم يحضروا مي ساخنه بعدها تخرج الطفل وبتغسل الطفل بالمي والصابون وتكوفل الطفل وبتعطيه لجدته أو الأم وبتعمل الدايه بدفن الخلاصه "خوات الطفل" بجنب البيت وبعدها بتتردد الدايه على الولاده لمدة أسبوع حتى إتابع حالتها.

كانت النساء لما بدها الوحدة تولد تنادي الداية او اي امرأة كبيرة في السن وكنا نسخن الماء لحمام الطفل وهي تشرف على الولادة وكانوا يقصون صرة المولود بالشفرة بعد ان يقيموا اربع قراريط وبعدين يلفوها في شريطة صوف ربيعي ويوضعون عليها سكن من النار او الكحلة العربية وكانت النساء تولد وهي تحصد وتلف المولود وترجع الى البيت ويلي ما كانت تعرف وسائل الولادة تموت وهي تولد وبعد ما بتولد الوحدة بطعموها سمن بلدي وحلاوة وكانوا زمان يلفون المولود باللقماطة مش زي اليوم مستشفى ودكاترة

قبل الولادة بتبلش المراة تحضر شنتتها واغراضها طبعاً بتكون الاغراض عباره عن اواعي الها ولفات للطفل وبشاكير وتبانات واذا كانت حالة الاب مش كثير ميسوره بتكون اواعي الطفل اواعي المراة القديمه بتعمل منهم لفات لابنها طبعاً هاي بحالة اذا الماة بدها تخلف بمكان مش بيتها مثل انها تروح تخلف عند امها او عند حماتها وعشان يقوموا فيها بس تولد وبديروا بالهم عليها بس اذا بدها تخلف في بيتها بتحط اغراض الطفل في خزانه خاصه اله وبتجهز كل شي رح تحتاجه بالولاده وبالعاده اهل الام بجهزوا لاول مولود وبس يجي الطلق للمراة بروح الزوج ينادي الدايه وهي بالعادة بتكون مراه كبيره بالعمر وهي متخصصه بشؤون الولادة وما كانت تاخ