احنا كمسلمين عن موضوع الطهارة موضوع مهم وكبير جداً في نفوسنا انو لازم الشخص المسلم يكون طاهر من كل النواحي لانو دينا حثنا على الطهارة من بداية الولادة لازم الطفل يتطهر وهاي تعتبر طهارة وكمان طهارة الملبس انو الانسان ما يلبس اواعي فيها او عليها اشي من نجاسه مثل البول او البراز او المني وهاي تعاليم ديننا الاسلامي وكمان انو الانسان يتطهر في حال حدوث جماع بينه وبين مرته او حتى لما يدخل على الحمام وموضوع الطهارة موضوع ملازم للانسان لكل تصرفات حياته وممارساته والطهارة ما الها وقت محدد هي بجميع الاوقات لانو ما بصير بأدي اي عباده لله عز وجل الا لما يكون الشخص على طهاره وموضوع الطهارة واجب على كل اب وام ومدرس وكل شخص بيحمل مسؤولية اطفال انو يوعي الاطفال ويفهمهم موضوع الطهارة لانها من الامور المهمة في حياتنا وفي ديننا لانو بعض الناس ما بتفهم المعنى الحقيقي والمميز للطهارة