1- كان يقوم الاهالي باحياء الافراح على حسب الفرح:

ففي الاعراس يعللون لها اسبوع يغنو ويرقصو ويجتمعون فرحة وبهجة.

وفي بعض الاعراس كانت النساء تلبس لبس الرجال وتغطي وجهها وشعرها حيث لا يعرفها احد وتدخل وتحوشي أي ترقص بين الرجال في حلقة الرقص بغناء

هلا وهلا بوه ياهلا لا ياضيفي يا ولد، وكان هنالك اغاني خاصة بالحناء للعريس واغاني عند طاوع الزاد ( الاكل -  المناسف) وتطلق العيارات النارية وايضا عند زفة العريس.

طلب الغيث: كان عندما ينقطع الغيث ( المطر) يذهب الرجال لصلاه الاستسقاء ويكون معهم إمام البلدة ويلبسون الثياب مقلوبة، ويقلبون الحطات أي ( الشورة ويضلون  صلاه الاستسقاء وفي مرة رحيه الشيخ على الخطيب صلى صلاه الاستسقاء وما رجع الجمع أي غادرو الا والمطر ينزل

وكان الاطفال ينشدون الاناشيد ذكور واناث وياخذو معهم حيواناتهم ويطيحو عند بطحة الشيخ إنام ( مقام ولي في بلدة سوف) ويغنو

1- يالله الغيث ياربي تسقي زرعنا الغربي

يالله الغيث يادايم تسقي زرعنا النايم

يالله الغيث تغيثنا تميل شوشة راعينا

واعينا حسن الاقرع مضى السنة وهو بزرع

اللباس:

من تحت ( القسم السفلي):

كانوا الزلم زمان يلبس سروال لون اسود أو ابيض وكانوا الناس يشتروا القماش الانجليزي ويفصلوه سراويل، والسروال يكونله (وشه) أي خيط جميل يدككوه بالسروال ويربطه على خصرة من اجل تثبيت السروال.

من فوق ( القسم العلوي):

كانوا يلبسوا (الشّبر) او ( الدّامر) أو (مزنوك) ويلفه على جسمه ويلف ( الزناد) لفة من القماش نفسه أو مختلف عنه يضعه على بطنه ويعقدها من ورى (الخلف) عشان يمسك المزنوك ما يفتح ويضل مسكر.

رأسه:

كان يلبس على رأسه شوره (حطه) لونها ابيض او ابيض واسود مع عقال (المرعز) العقال المصنوع من الصوف.

فراط الزيتون واحد من اجمل الاعياد التي نعيشها كل سنة، وهو يوم الحصاد يوم الفرح بالنسبة للمزارع والعامل والطفران والعيان لانه في هذا اليوم يكسب المزارع المال ويكسب العامل الاجرة وياخذ الطفران قوته ويشفى العيان.

ياخذ فراط الزيتون الكثير من الوان المرح مثل مزاح المزارع مع العمال وبين العمال مع بعضهم.

تتميز فراط الزيتون في جرش عن باقي محافظات المملكة بان جرش تتميز بطبيعة جميلة ووعرة والجو فيها ( الحرارة) باردة بالنسبة لباقي المناطق لذلك فراط الزيتون اكثر صعوبة بسبب برودة الجو.

دواء الحرق فازلين، عود الهوا، شمع العسل، كاسة زيت، سمن بلدي

ينطبخ مع بعضه ويتبرد ويندهن فيه الحرق عود الهوا يبرد الحرق والزيت يبرد بعد ويعطي اللون الاحمر

المملوع يربطوه من تحت كتوفه بشال او قضامه يدهنوه بزيت ويربطوه

البابونج لنفاخ العيل

الميرميه للنفاخ والبرد

المر والعنزروت للتسنين

جعيدة الصبيان للبرد ( مبرود)

الشيح والقيصوم لفوق خمس سنوات للبرد والمغص

حوايج المربعانيات تاخذي من كل زهره بالبطين قطيمه وتحطينهن  كلهن سواد تفرشي مفرش بطانيه وتنشفيهن تا يسسن وبعدين تملحيهن وتدقيهن تاينعمن وبعد ما ينعمن تجيبي المنخل وتنخليهن ، هذا السفوف ينعطى للاوادم  لومن تمرض بالشتويه للكبار قدر ملعقه وللصغار شوية واللي ياخذ منه يتغطى وينلف زين بحرام ثقيل وينام يصبح عرقان وما يقوم بسرعه يضل شوي تا ينشف عرقه والعيل نخله ملفوف باللفاع ونفك المقمطه بالاول وبعدين شوي شوي نطلعه من الالفاع عشان ما يرجع ينتكس وينعطى بعد للعيل لومن يبقى يراجع ولا تحسيه موجوع من بطنه واذا كان ما جوع من بطنه نعرفه لومن انيمه على بطنه على ذراعنا ونشد بايدينا على بطنه اذا صاح ز

هذا في واحد كان اله مرة والمرة كانت عزيزة علية أجا استمرض بالكذب

قال تا اشوف اني غالي عليها والامش غالي أجا قاع الرجم وكوع وانها طالعة علية حيه ربدة قام وقتلها اجت المرة دورت ودورت عليه ولما اجت لقت الحية مقتوله ومحطوطة عنده قامت وقالت: ..حسبتك  يا ابو رشيد حويب حربه واثراتك قريص ربدة بقاع الرجم ملقيها ( محلها ) ستين حله برجبن بباب بيتك تامر على العبيد بزيد وعيارها

عالوهي يالقطا غرب       ياناس يا ريتني لونه     نشدتني لواحد جرب     ترى الهوى كايدن كوده 

هاي اطلعوها على اللي يهوى وما يصحلهوش يوخذها ترى الهوى ملعون يعني اللي يهوى وما يصحلهوش كان ينام بالفراش ومنهم يطول بالفراش كانوا بالزمان لو منهم يسمعوا عن فلان مهاوي فلانه على الغدير او بالمرعى او بالحصيدة يغنولوه هالغنية وكان بها الزمان لو منهم يهاوا يمرضوا ويرقدوا بفراشهم والناس تدري بسولافته عاد لومنه يعرفوا مين مهاوي يروحوا يخطبوها اله وكان حظه بليلة القدر وابو زيد خالوه يلي يهوى ويوخذ حبيبتوه  

كان في مره وهالمره الها ثلاث اولاد وبدهم يطلعوا على الصيد مع بعض قالتلهم تعالوا اوصيكم : شيخه توصيكوا وشيخه تقول الكو:

 لا توقدون النار بارض الخلا ترى النار توري والطريق تجيب

شيخة توصيكوا وشيخه تقول الكوا:

 لا تقعدوا تحت بنا ترى البنا يبني والاساس يعيب

شيخة توصيكوا وشيخه تقول ليكوا:

 لا تقعدوا بين جماعة ترى العين بين المجتمعين تصيب

يا وجد وجدي على دببيه

عقب الزعانيف مطواع

عقب ماهي هوية شيوخ

حط الثمن واخذها الراعي

قصة هالاغنية: هاي طلعوا عليها الاغنية قد ما هي زعيمه بحالها وهلى كيس انها متعجرفة كانوا شيوخ تطلبوها وما تقبل ترضى بحدا تمنه راحت عليها واجا اخذها راعي وظلوا كل ما وحدة تنطقر وتروح فيها يقولولها يا دببيه

لومنهن هيج من قبل ربنا يرزقها الجوز وتروح وتنزف