شيخ العشيرة (القبيلة )

وهو كبير القبيلة ويتصف بالاخلاق الحميدة والرزانة وأن يكون متدين وحسن السلوك والسيرة وحكم في جميع الامور وان يكون عادل ومبتسم دائما وصاحب هيبة ووقار وقوي وشجاع ويجب أن يتصف بالكرم والفراسة والذكاء .

راع الاوله

هو شخص يقوم بفعل شئ ممدوح به في زمان ماضي وقد يحتاج هذا الشخص الى شئ لا يستطيع أن يفعله وينتخي بشخص أخر قد قدم له شئ في زمان قد مضى وعندما يأتي الى هذا الشخص يقول له انت راع الاوله اي قدم له فعل كبير ويقول له اليوم جاء دورك وانت صاحب الاوله .

المعيار

هو مشتق من كلمة عار وهو إعارة الشخص بشخص أخر يشبه بالطول أو القصر أو الشكل أو بشئ أخر بشبهه أو يشبه شئ أخر أو وجود شئ أخر في الشخص / يقوم أحد الأشخاص بعيرته أو يقوله لها .

مثل شخص ليس طويل وناصح وراسه صغير يقال له جرة غاز .

الفراسة : وهي المهارة التي تولد من الفطرة وهو يعتبر فن يستطيع الشخص من خلالها بالدمج بين طبع الانسان وملامح وجهه وهي ما يسمى ب (لغة الجسد ) .

حيث يتم تحليل شخصية الانسان عن طريق ملامح وجهه وحركاته وتعابيرة وهذا الفن مشهور جدا عند البدو وموجود بكثرة . حيث أنه تظهر أخلاق الرجل عن طريق هذا الفن أو العلم .

وتعتبر الفراسة متصلة بالذكاء والدهاء حيث أنه يتم الاستدلال كل الامور من خلال دلالة دلالة شكل العين أو الأنف وأستخدمت ايضا في معرفة النسب وفي معرفة الصادق من الكاذب .

أيضا هناك حركات إنفعالية تصدر من الشخص تكشف شخصيته ويتم الاستدلال عليها 

لما تكون الارض مشتركة بين الاخوان او القرايب يجيبوا واحد يعرف بالحدود ويجيبوا متر او احبال ويجتمع كثير من الناس من اهل المنطقة عشان يحفرون الطر (الفراز) .

يقولوا للشباب (قوموا غزوا رجوم ) فتوضع كميات من الحجارة الصغيرة فوق بعضها لتدل على الحدود .

الطر عادة يكون في آخر الصيف قبل الشتا عشان تكون الارض فاضيه وما فيها زرع او منفعه .

طبعا القسمة التي تنتج عن (الطر) يسموها ( قسمة عرب) وهي مؤقته لحين يتم فرزها بالطرق الرسمية . 

الصيت يعني الشهرة وان الانسان يشتهر بشيء معين بشي طيب او نقيصه مثل يقولوا انسان مصيت بالبخل وفي ناس مصيت بالكرم وهاذا الصيت يجي للانسان لما يتكرر نفس الشي مرات كثيرة مثل اللي يكرم ضيوفة دايما وكل الضيوف يطلعوا من عندو يمدحو ويثنوا عليه بالكرم ويصير صيتو انه كريم ويكرم الضيف وايضا الشجاعة – النخوة – وطيب الخلق وصفات ثانية كثيرة والصيت يكون كثرة كلام عن صفة شخص معين ويقولو فيهم القصيد والاشعار وينضرب فيهم الامثال ويتعاير فيه ويقولو لبعض انت صرت مثل فلان بالنخوة والشجاعه .

هي صفة لا يقدرها الا بعض الناس وما يملكه حدا الا قليل من الناس فيها من الحدس والذكاء الكثير لها ثلاثة انواع :

• سياسة الخيل .
• سياسة الحريم
• سياسة العيال .

والسياسي يميز الخيل ويعرف وجهها كان خير او شر .

يطل على وجهها وبحدسه يعرف كونها فيقول بعض المرات : هذي الخيل عزايز : يعني ما يلقى راعيها يعني راعيها يسلم .

وهذي الخيل جنايز : يعني ما يلقى راعيها غير الموت .

ويسوس الحريم اذا طل بوجهها فيقول : هذي المرة وجهها خير أو هذي البنت اللي تجيه ما يجيه الفقر .

الريافة ( اكتشاف وجود الماء )

        كثير اشتهرو فيها البدو وهي الاماكن اللي يكون موجود فيها مي واكثر اشي يدل على وجود المي بمكان معين هي خصوبة الارض ووجود الاعشاب والشجر والريافة نعتبرها من الفراسة .

وإذا الشخص كان محترف بهذا الاشي يبحث عن المي بأنه يمشي لحد ما يستدل عليها يستوطن فيها ويرعى فيها الغنم والمعز طبعا نوخذ بعين الاعتبار انه يكون المكان فيه اكثر من بير عشان يسهل المعيشة والاستقرار ونسمي الشخص اللي يقوم بها العمليه (السايس) .

السايس إذا ضمن أنه في مي بأي مكان يشم التراب ويشم النباتات الموجودة بنفس الموقع.

الدواج:

اذكر زمان لما كنت صغيرة ما كان هناك محل نشتري منه اغراضنا والطريقة الوحيدة هي الدواج( وهو البائع المتجول) يكون معه بضاعة ويلف من ديرة لديرة على حمار وهي وسيلة النقل الوحيدة بهذاك الوقت.

فكنا حنا كبنات العشيرة نلقى اغراضنا ونشتريها منه ونوصيه على اغراض ناقصة ولمن يلف العربان كلها ويرجع بعد شهر او شهرين وحنا نستناه وكنا مثلا نشتري منه الكحل والعطر والمشط والمدارق والمناديل والمعاصم ويجيب قماش وحلوق وجعيجبان ( نوع حلو) وكنا ننبسط لما نشوفه لان الوسيلة الوحيدة عشان نشتري اغراضنا وكانت اسعاره رخيصة يعني اذكر اشتريت منه ثوب قماش كلفني بهذاك الوقت قرشين.

يدلل الناس اولادهم وينادوهم بأسماء ثانيه غير اسمائهم الاصلية عشان يعبرولهم عن حبهم إلهم ، مثلا الولد اللي اسمه محمد ينادونه حمودة والبنت اللي اسمها ايمان ينادونها امونه وخال خلودة ، وعبد لله عبودة مثلا .

اسم الدلع يسمونة للولد من لما يكون طفل مولود من محبة امه وابوه واخوانه اله ويظل ينادونه باسم الدلع اغلب الوقت لحد ما يصير كبير ، الاب والام يدلعوا اولادهم وبناتهم من حنيتهم عليهم ومحبتهم الهم .

واحيانا يجيبولهم ميداليات او سلاسل مكتوب عليها اسم الدلع .