الدواج:

اذكر زمان لما كنت صغيرة ما كان هناك محل نشتري منه اغراضنا والطريقة الوحيدة هي الدواج( وهو البائع المتجول) يكون معه بضاعة ويلف من ديرة لديرة على حمار وهي وسيلة النقل الوحيدة بهذاك الوقت.

فكنا حنا كبنات العشيرة نلقى اغراضنا ونشتريها منه ونوصيه على اغراض ناقصة ولمن يلف العربان كلها ويرجع بعد شهر او شهرين وحنا نستناه وكنا مثلا نشتري منه الكحل والعطر والمشط والمدارق والمناديل والمعاصم ويجيب قماش وحلوق وجعيجبان ( نوع حلو) وكنا ننبسط لما نشوفه لان الوسيلة الوحيدة عشان نشتري اغراضنا وكانت اسعاره رخيصة يعني اذكر اشتريت منه ثوب قماش كلفني بهذاك الوقت قرشين.