***

الخطابة أو (الدلالة)

(هاي اللي تدور) عروس لأهل العريس، وتعطي لأهل العريس إنها (لقت وحدة)، ويتفقن (أنو يروحوا) معها حتى (يشوفوها)، وتروح أم العريس وأخته الكبيرة، (بسرن) أول ما تصحا من النوم (ليشوفوا)، (يعني كانوا يحكوا اغسل وجهك قبل حدا ينظر وضبط بيتك قبل حدا يعبر)، هذا المثل حتى تشوف أصحاب الدار نظيفين ومرتبين، ويروحن الصبح (عشان يشوفوا) البنت على الطبيعة، يشوفن قعدتها وحكيها، ضحكتها (سنونها) في ضحكة، (وظلها تفصل)، ويشوفن مشيتها، (بيها خلع ولادة ولا لا).

***

الحنة

حنة العروس، هي عبارة عن سهرة في منزل أهل العروس قبل يوم زفافها، حيث تقوم صديقاتها وقريباتها والجارات بعجن الحنة وتحنية كفوف العروس والكعبين، وجميع الموجودات في السهرة يحنوا يديهم، وهناك أغاني خاصة للحنه مثل:

سبل عيونه ومد ايدو يحنونه... غزال صغير وكيف أهله يتركونه

وأثناء الغناء والرقص توزع الحلوى، أو ما يسمى الحجاجي، وهي أكياس معبأة بالملبس والتسالي والمكسرات.

***

الحنة

الحلية

هي ذبيحة تقدم للعريس من أحد الاصدقاء أو الأقارب، شريطة أن يذبحها العريس هو ليلة دخوله على العروس، وهذه الحلية يبدو أنه فيها اتجاهان، أول (أشي أنه يطبخوها) أهل العريس على شكل شوي أو حمس أو قلي، وفيها طبخة العريس، و(يطمن) العريس لهذه الليلة، وثاني (اشي) تذبح لإثبات الرجولة، وثالث (اشي بعطوة) قوة لما يذبح هذه الذبيحة، وهذه من العادات القديمة، وما زالت تستخدم حتى اليوم في معظم الأعراس.

***

الجاهة

أن يروح العريس ومعه ثلاث أو أربع رجال من وجهاء العشيرة على أهل العروس، وعندما يقعدون يقدم أبو العروس القهوة لأكبر واحد بالجاهة ويقول: (اشربوا قهوتكوا)، ويقول كبير عشيرة العريس: (قبل ما نشرب القهوة إحنا جايين نطلب أيد فرس توكل بإيدها، بدنا بنتكوا فلانة عروس لابنا فلان)، ويقول أبو العروس: (أجتكوا عطية ما من وراها جزية)، ويقول كبير الجاهة (إحنا مجزيينك (5) آلاف دينار. علما أنه ما كان المهر بالألوفات أيام أول، كان 700-1000 دينار.

***

الجاهة

التعاليل للعريس:

***

الإكليل "هو يوم الزواج"

بعد أن تتم الخطوبة، وتكون مدة الخطوبة غير محددة، يتم الزواج، ومراسم الزواج تكون بالكنيسة، ويكون مع العروسين (أشابين)، شاب للعريس وبنت للعروس، يكونان بمثابة شهود على الإكليل مع مجموعة من المدعوين داخل الكنيسة، وبعد أن يكمل الخوري الإكليل، والموافقة من العروسين يوقعون في سجل الكنيسة، يصطف الأهل والعروسان والأشابين بساحة الكنيسة لاستقبال المهنئين، وطريقة الاصطفاف تكون أولا أهل العريس والعريس والعروس والأشابين، وبعدهم أهل العروس، وبعدها يذهبون إلى الفندق أو إلى صالة أو قاعة الفرح.

***

الإكليل: الطقس الشرقي

أغاني ليلة الحنا:

يا لامي يا لامي وشديلي مخداتي... طلعتي من البيت وما ودعت خياتي

يالامي يالامي شديلي قراميلي... طلعت من الدار وما ودعت أنا جيلي

يا لأهل يا لأهل ما يبرى لكم ذمة... وشو عماكم عن أبن العم والعمة

يا لأهل يا لأهل لا يخلي لكم بال... وشو عماكم عن أبن العم والخال

لا تطلعي على الدرج يا عليبة المشمش... لا تامني للعزب ترى العزب يخمش

لا تطلعي على الدرج يا عليبة السكر... لا تنامي ترى العزب يمكم

أغاني حنة العروس:

سبل عيونة ومد إيده يحنونه 

                                غزال صغير وكيف أهله يسمحوله

يامي يامي شديلي مخداتي

                               واطلعت من البيت وما ودعت خياتي

يامي يامي شديلي مناديلي 

                               واطلعت من البيت وما ودعت أنا جيلي

لا تطلعي على الدرج والهوى الغربي

                                 وش يذبح القلب غير الهوى والغربة

كانك غريبة وهيلي من الدمع حرة

                                 من العيد للعيد تا يطلوا عليكي مرة

ياهل الغريبة وطلوع غدويتكم

أغاني الأعراس:

بالأعراس السلطية في كثير من الأغاني التي (بتتغنى) على باب دار العروس عند أخذ العروس في العرس، للرجال أغاني تختلف عن أغاني النساء فمثلاً:

عند الوصول لباب بيت العروس يتجمع الشباب على باب منزل والد العروس، ويغنون (هون واربط بباب الدار... تا تطلع بنت المختار

هون واربط بالحارة... لام عيون الذباحة

حنتين الحنا الحنا... وضرب السيف يلوق لنا

يا محلى ضرب الشباري... عالخصر فوق الكلاوي)

بعدين (بشبكو) إيديهم ببعض حول العريس للدخول لمنزل العروس وأخذها لمكان العرس، إذا كانت بصالة أو فندق و(يغنوا)

(يالله توكلنا عليك... يا سيد المتوكلين

اختيار العروس:

طريقة اختيار العروس، عادة الهدف منها البحث عن الفتاة المناسبة للزواج، وذلك حسب شروط ومعايير ترتبط بالباحث عن الزواج، وتتم بالشكل الآتي:

عند البحث عن فتاة تصلح بأن تكون عروسا، يتم السؤال عن أين توجد فتيات عزباوات، ويتم ذلك عن طريق الأصدقاء أو المعارف، وتتم الإشارة إلى اسم معين،  ومن ثم يطلب أهل العريس من أهل هذه الفتاة أن يزوروهم في بيتهم وذلك بقول: