***

الجاهة

أن يروح العريس ومعه ثلاث أو أربع رجال من وجهاء العشيرة على أهل العروس، وعندما يقعدون يقدم أبو العروس القهوة لأكبر واحد بالجاهة ويقول: (اشربوا قهوتكوا)، ويقول كبير عشيرة العريس: (قبل ما نشرب القهوة إحنا جايين نطلب أيد فرس توكل بإيدها، بدنا بنتكوا فلانة عروس لابنا فلان)، ويقول أبو العروس: (أجتكوا عطية ما من وراها جزية)، ويقول كبير الجاهة (إحنا مجزيينك (5) آلاف دينار. علما أنه ما كان المهر بالألوفات أيام أول، كان 700-1000 دينار.

***

الجاهة

تكون كبيرة، (بحددوا) يوم أهل العريس والعروس، و(يختاروا) اليوم والساعة عند أهل العروس، وأهل العريس (يبنوا) الصوانات (للزلام والنسوان ويفرشوها ويجهزوا) كراسي وطاولات وكنافة وبيبسي، و(يعزموا) الناس قبلها بأسبوع، وأهل العريس (يعزموا) وجهاء العشائر أو مختار أو شيخ يطلب يد العروس، و(بحكي نيابة عن أبو العريس)، وأهل العروس (يعزموا) وجهاء عشايرهم.

يوم الجاهة، (اللي) هي الخطبة، (يجوا) أهل العروس والمعزومين قبل أهل العريس، (عشان يستقبلوهم لما يجوا)، و(بعدها لما يستقبلوهم يصبولهم قهوة)، وأول فنجان يذهب لأكبر وجه بعشيرة أهل العريس، (يعني مندوب عن الجاهة)، و(بيحط فنجان القهوة ما بشربه)، (بعدها بطلب إيد العروس)، (بصير يحكي بينه وبين أبو العروس)، يصير (زي رد بينهم)، (آخر اشي أبو العروس أو جدها أو كبير عيلة أهل العروس يقول أعطيناك بنتنا)، و(بشرب) فنجان القهوة، و(يصبوا) للموجودين، و(النسوان  يزغرتن ويهاهن وعلى الطبلة) وأم العروس وأخواتها يصبن قهوة (للنسوان) من أهل العريس.

(بعد ما شربوا الزلم القهوة)، (يقرأوا الفاتحة)، و(يكتبوا الكتاب)، وبعد ما يوافق أبو العروس و(يوقعوا) على كتب الكتاب، يروح الشيخ وأبو العروس وأبو العريس والعريس على صيوان النسوان (علشان) الشيخ يسأل العروس عن الموافقة، وتوقع العقد، بعدها (النسوان يهاهن ويزغردن)، يطلع العريس والشيخ، بعدها (يوزعوا) الكنافة والبيبسي للموجودين.

ويفوت العريس على العروس ويلبسها لبسة ذهب الخطبة، تكون محابس وطوق وحلق وإسوارة.

و(هيك) تكون جاهة محددة بالساعة، تكون بعد العصر لساعة المغرب، و(فيه ناس بالجاهة يحددوا المهر)، و(يعلنوا قدام الناس)، قبل كان المهر قطعة أرض، أو (خمسيمة ليرة)، أو (ليرة ذهب عصملي)، أو عنزة، (بس هسع) صار أغلبية أهل ماحص (يحددوا) المهر بالطلبة قبل الجاهة، (زي ثلاثة آلاف ذهب، وخمسة متأخر، طبعا تكون العروس (رايحة) على الصالون، ولابسة فستان، (مهندسة حالها)، ويكون على حساب أهل العريس.

***

الجاهة

هي بداية الزواج، ويتحرك عدد كبير من رجالات أهل العريس في طابور، وفي السابق كان صف من الخيل، أما في أيامنا هذه أصبح صف من السيارات، يتوجهون الى أهل العروس، حيث يكون كبار رجالات عشيرة العروس في استقبال الجاهة.

وكلما كان عدد رجال الجاهة أكبر يصبح هناك تفاخر من أهل العروس بأن جاهة ابنتهم كبيرة جداً، وهذا يرفع من شأن أهل العروس، وتعمل قيمة لهم، ثم بعد ذلك يتم تقديم القهوة العربية (السادة) لكبير الجاهة، حيث يقوم بطلب يد العروس بشكل رسمي، ثم بعد ذلك تبدأ مراسم الاتفاق على موعد كتب الكتاب ومهر العروس المتأخر والمقدم والذهب وأثاث البيت وغير ذلك، ويقوم العريس بالسلام على الموجودين، ويبدأ بوالده ثم بوالد العروس ثم بالشخص الذي طلب له، ومن ثم تقرأ الفاتحة على نية القبول.