التعاليل للعريس:

هي ليالي سهرات قبل الإكليل، (بي ناس ببدو بتعاليل قبل باسبوع) من العرس، كانوا زمان (يوقدوا نار على جنب يسووا) عليها القرفة، و(يصفوا الشباب للسحجة)، و(ينزلوا حواشي ثنتين)، (الحاشي المرأة التي ترقص في وسط السحجة ولها غناء خاص)، و(يطخوا) بارود، و(يظلوا يسحجوا ويهيجنوا) للصبح، لكن (هل الايام) اختلف كل شي، (بعد التعاليل موجودة بيها ومازات الخفيفة، مرات (بعملوا قلاية بندورة)، كان أول ما (بيه مصاري يصرفوا) على العرس، كانت الناس مثل بعض، و(مش كل شي) متوفر مثل اليوم، صار العرس يكلف كثير، و(بجيبوا هل فرقة) تغني الأغاني الجديدة، و(بيها طخ) بارود أكثر من أول، وألعاب نارية، و(كمان) ممكن يصير (بيها سحجة ودحية) رغم تطور الناس، وصار كل شي حديث، بعدهم (بصفوا) الشباب والكبار (للسحجة)، و(اللي بدو يقصد القصيد بكون بالنص)، وصوته (حلو) وعالي، وممكن يشاركه واحد أو اثنين والباقي (بردوا) عليه بقول: هلا هلا بك يا هلا لا يا حليفي يا ولد. و(بردوا) عليه باقي الشباب، و(بكمل) القصيد للآخر والشباب (يردوا): هلا هلا بك يا هلا جزء من القصيد:

أبداها بالرب العالي خلاق أول وبالتالي

خلاق أول وبالتالي أفلح من يذكر نبيه

هلا هلا بك يا هلا لا يا حليفي يا ولد

الله يمسيكم بالخير ضيوف مع محلية

الله يمسيكم بالخير ويزيدكم ثاني مسية

هلا هلا بك ..............

لعين عيون معزبنا يوم إني قررت الجية

لعين عيون الأردنية على العود أقول هجينية

هلا هلا بك ....................

هب الهبوب وتنسم جيناكم يوم الله قسم

هلا هلا بيك ..............

ولولا معزبنا ما جينا ولا قطعنا وادينا

هلا وهلا ....................

يا هل البيت الجديد ليته مبروك وسعيد

يا هل البيت المبني به الكهارب مضوية

(بتكون الحواشي يرقصن بالنص بربطوهن وبقولوا القصيد عليهن)

يا رباط حواشينا             يا اخي وشلك علينا

اشلك بالحاشي وقعوده      خذلك من حقه بارودة

لتاخذ كود الأصيلة           فرد الألماني وردنية

لن كنه الهرج ما يواتي      ادفعلك زمل حويطات

الوضح مع الخلفات        واطلق عقال النشمية

وجيبلك مال الدعجة       نعجه تتيلها نعجة

وجيبلك مال السعودي      ما ظليش ولا قعودي

و(بعد ما يطلقوا الحاشي بشربها فنجان قهوة وبروحها)، الجيل الجديد ما (بعرف كل هل الاشي)، (بس يروحوا هل الازلام الكبار والنسوان رح ينسوا ويروح كله).

وشلك علينا: أي شيء لك, كود: ثمن, كنه: إذا كان, زمل: جماعة, الوضح: مقدمة القطيع الخلفات مؤخرة القطيع.