***

الحنة

حنة العروس، هي عبارة عن سهرة في منزل أهل العروس قبل يوم زفافها، حيث تقوم صديقاتها وقريباتها والجارات بعجن الحنة وتحنية كفوف العروس والكعبين، وجميع الموجودات في السهرة يحنوا يديهم، وهناك أغاني خاصة للحنه مثل:

سبل عيونه ومد ايدو يحنونه... غزال صغير وكيف أهله يتركونه

وأثناء الغناء والرقص توزع الحلوى، أو ما يسمى الحجاجي، وهي أكياس معبأة بالملبس والتسالي والمكسرات.

***

الحنة

يحنوا أهل العريس، ويجيبوا معهم السكر والرز والقهوة والهيل و الحنة والذييجة ومكاليفها من خبز ولبن وسمن، و يودوا للعروس، ويبلش الغناء، وبنبسطوا، وكانت تنحط الحنة بعجينة كبيرة، و يحطوها على أيدين العروس، وكان لباس العروس مدرقة ومنديل، ويعملوا عشاء للعروس و يعشوا الناس، وبعد العشاء بيجيبوا الحناء ويغنوا:

لو يحيى من جيلك حنية يا فاطمة... وبطرف منديلك ودي سلامك بطرف منديلك

ودعي خية رفيقاتك  يا فاطمة... ودعي وبطرف عباتك ودي سلامك بطرف عباتك

وترد عليهم العروس:

قولوا لأبوي إليه يخلي عيلوا استعجل عليه... واطلعي من داروا قولوا لأبوي الله يخلي ولادو مستعجل علي وأطلعي من بلادو

ولما يحنوا العروس يقولوا:

الليلة حنوا العرايس يا سلام سلم... من فتح ورود الحناين يا محمد

كلهم يقولوا العروس:

 يا أمي يا أمي حطيلي مخداتي... طلعت من البيت وما ودعت خياتي

وغيرها من الأغاني، والحنة عند العريس يجوا أصحابوا وقرايبوا ويعملوا العشاء، ويغنوا للعريس ويدبكوا، ويعملوا الدحية، ويجيبوا الحناء وأصحابوا يحنولوا.