( استمارة رقم 19)

تجتمع النسوان وقرايب العروس عندها ويبدن يغنن على العروس اغاني سهرات ووداع العروس ومن ضمن هذه الاغاني

 (حنيت ادي ولا حنيت اصابيعي يا محلا النومة بحضين المرابيعي)

يا الام يا الام حنيلي ادياتي

طلعت من البيت وما ودعت خياتي

 وش هالغزال اللذي راحوا يصيدونه

 غزال صغير وكيف اهله يتركونه

ويتم حنا اليدين العروس ومن صاحباتها وتكون بالعادة العروس دموعها تنزل لفراق اهلها وصاحباتها.

( استمارة رقم 24)

الحنة عبارة عن نباتات تنحط على الجسم على الايدين والرجلين وتضلها ثابته لأيام طويلة .وحنة العروس تتميز بإنها ليلة مميزة عند العروس لأنه يتجمعو صاحباتها وقراباتها وبنات الحي وتقوم وحدة منهم تحني العروس على ايديها وأصابعها وعلى كعب رجليها والحنة توضع على كف العروس وتختار الرسمة اللي تعجبها زي قلب أو وردة أو دائرة طبعا تتحنى العروس مع الزغاريد والاغاني وتضل السهرة لنص الليل وتلبس العروس أزياء كثيرة بيوم الحنة وتتنقل بين صاحباتها وقراباتها والحنه على ايديها وتخليها لا تنشف وتغسلها وبعد هيك يبلشو بالرقص والغناء والسهر وتتجهز العروس ثاني يوم اللي هو يوم زفتها 

( استمارة رقم 31)

وهي من العادات القديمة حيث يذهب أهل العريس الى أهل العروس ومعهم الحنة ويتم "جبلها" ويتم  وضعها بعد جبلها على يدي العروس ورجليها ثم تحنى أخواتها وخالاتها وعماتها وكل من يحضر الحنة ثم يرددون على العروس أي يغنين الأغاني ياسمها مث " يا رويدينا يا العروس يا رويدتنا يا هيه ضلك عندنا لا تروحي ضلك عندنا يا هيه :  ويغنين أيضاً " أمي يا أمي شيلي مخداتي طلعت من البيت ووادعت خياتي: وبعدها يقومون بوضع ما بقى من الحنة في صرر وتوزع على النساء وتوزع أيضاً "القضامة" و"الفستق" و "الراحة" و"الملبس". 

( استمار رقم 46)

حنا العروس هي مادة الحنا تعجن بالماء وتخمر لمدة ليلة كاملة وتوضع في كفوف العروس.

كانت ادوات الزينة عند البدو محدودة وبسيطة وتحني العروس وحدة من طرف الزينة عند العرايس وصاحباته، تقوم ام العروس بعجن الحنا من قبل ليلة وتكون بكمية كبيرة عشان تكفي العروس والمعازيم وهي ليلة احتفالية يلتمن النسوان والبنات عند العروس ويغنن للعروس اغاني شعبية ويقومن بترتيب جهاز العروس واخر الحفلة يقومن بتحني العروس ولف ايديهن بقطع قماش لثاني يوم الصبح وهي صبيحة الزفاف.

وما زالت هذه العادة متبعة حتى يومنا هذا الحاضر الا ان العروس بالوقت الحالي تضع الحنا بشكل اجمل على شكل نقوش وروسومات بأماكن جديدة مثل الذراع ولكنه عادة محببة ويتفأل بها الناس.

والوقت الحاضر تشتري في عبوات مخلوطة جاهة وبعدة الوان اسود، احمر، ولا تحتاج الى وقت مثل الحنا العادية خلال نصف ساعة تكون جاهزة