معمول العيد من اجمل طقوس العيد هو تحضيرة حيث تتجمع العائلة لتحضيرة من الصغير والكبير وهو يكون من اشهر الضيافات العيد المصنوعه بيتاً حيث تقوم الام بسبت السميد قبل يوم وهو خلط السمن مع السميد ليوم كامل ومن ثم وضع المقادير الاخرى علية كالحليب والبهارات الخاصه بالكعك والسكر والخميره والماء ويترك ليتخمر لمدة ساعتين أو اكثر

ومن ثم نحضر قوالب خاصه لكعك العيد بنقشات مختلفة او باليد تشكيلها

الحشوة تكون تمر مهروس ومنزع النوى ومنكهه بالهيل والجوز مع القرفه والفستق الحلبي وحشوات متعددة حسب الرغبة .

ويوضع بالقوالب بقدر بعد وضع الحشوه ومن ثم طق القالب ووضعه بصينية للخبز ليحمر ومن ثم يبرد ويعبئ بعلب حافظه وتقديمه للضيوف بالعيد وتشتهر البيوت قبيل العيد برائحة الكعك النفاذة وصوت القوالب الخشبية الجميلة معلنه عن كعك العيد .

حيث يتقاسم الاهل من افراد الاسرة الواحدة أدوار صنع الكعك من طق القوالب وشواء الكعك وتشكيلة بكل فرح

طبعا اجواء العيد معروفة بالكعك قبل العيد بيوم يعملو النسوان الكعك ويجهزوه ليوم العيد وطريقة عمله سهله كثير :

1. طريقة العجينة : نعجن عجينة الكعك أول اشي نحط الطحين بجاط كبير بعدين نحط السمنة او الزبدة نفركه بالطحين بعد هيك نحط كوب حليب ونرجع نفركهم بعدين نحط السكر والزيت والشومر والمحلب واليانسون ونخلطهم مع بعض بعد هيك نحط الخميرة ونرجع نعجنهم لما تتماسك ونتركها ترتاح ساعة تقريبا .
2. الحشوة:حشوة التمر ندعك العجوة مع القرفة ناعمة وهيل ونخلطهم وبعدين نصير ناخذ من العجينة شوي شوي على شكل طابات صغيرة ونحفر لها حفرة من جوا بالوسط ونحط العجوة ونسكرها ونرصّها بقالب بعد هيك نسفط الكعك بالسدر أو صينية وندخلها على الفرن تقريبا ربع ساعة .

وفي حشوة الفستق الحلبي وحشوة الجوز ويتقدم الكعك مع القهوة السادة .

تتجمع الجارات قبل العيد بيومين – ثلاثه ويبدأو بمعمول او كعك العيد وهو خاص بعيد الفطر السعيد ويكون الشغل جماعي كون كعك العيد بدّو شغل وجهد من حيث بس السميد والطحين بالسمن وتركه لمدة يوم وبعدين يبلشوا بالعجن ويعجنوا الكعك  بالحليب وماء الورد والزهر ويتقسم الشغل بين الجارات مجموعة تعجن وتكور حبات الكعك ومجموعة تحضر الحشوة (تمر، فستق حلبي ،جوز) ويبلش الشغل بالقوالب الخشبية وبالملقط لنقش الكعك وبعدها مجموعة تقوم بالخبز وبعد الخبز يتركوا الكعك والمعمول لما يبرد ويطحنوا سكر ناعم ويرش عليه ويترتب بكراتين للحفظ وصحون للتقديم وغالبا والجارات يشتغلوا بكونوا بتسلوا شوي بالقصص والاخبار الي بالحارة ومرات بالذكر " الله اكبر ........." كونها ايام مباركة .

ويصنع كعك العيد والمعمول احتفالا بعيد الفطر السعيد وهو مرتبط باحتفالات العيد .