( استمارة رقم 20)

يوم الخميس اللي هو يوم الفاردة يروح العريس على الحمام عند واحد من صحابه (في بيته)

ويجي العريس معه اصحابه ويفوت العريس يتحمم مع اصحابه ويتخلل الحمام مزح بين العريس واصحابه واغاني مثل

طلع الزين من الحمام الله واسم الله عليه.

( استمارة رقم 21)

بالاعراس في تحضيرات خاصة لحمام العريس بأنه بيوم عرسه للعريس يعزمه حدا من صحابه أو قرايبة ع الحمام يعني ما لازم يتحمم ببيته .

يتم تجهيز حمامه للعريس من كل التزامات الحمام من الليفه والشامبو والمنشفة ويقوم اصحابة بتلييفه ودعكه وبعد هيك يلبسوه البدلة ويشيلوه على كتافهم ويصيروا يغنوله اغاني كثيرة زي طلع الزين من الحمام زغرتيله يا بنيه او ازرع واقلع بيتنجان يلعن راس ابو الزعلان او شطبنا اسم العريس من دفتر العزوبيه وسجلنا اسم العريس بالاحوال المدنية

والحمام اله  فوائد للعريس حيث يشيل التوتر كونه يوم مش عادي بالنسبة للعريس وبعد هيك بوخذوا العريس على بيته عشان يكمل لبسه ويجهز حاله ويتعطر عشان يطلع على عروسته

( استمارة رقم 42)

حمام العريس يعتبر عند الدروز حفلة لوحده حيث يقوم الشباب بإدخال العريس لبيت أحد أصحابه الذي يكون داعيه للحفلة وبعد أن يحمموه الشباب يأتي الحلاق الخاص ويقوم بتزيين شعره وسشورته وبعدها يخرج العريس الى المضافة ويكون الشباب مجتمعين فيها وتبدأ الجوفيات والعراضات الدرزية وخلالها يقوم المعزب بتقديم المناسف للحضور وتقدم المناسف بالزغاريد من قبل نساء البيت وبعد المناسف يقدم المعزب الحلويات والعصائر (وصينية النقل) المكونة من التوفي وغيره وبعدها يقوم الشباب بزفة العريس بعراضة وجوفية الى بيت أهل العروس ويبدأ العرس الدرزي .