يبدأ استعدادنا لعيد الفصح من لما نبدا لصيام الكبير ويكون الصيام بعد سبت الاموات في يومين وبنصوم فيه (48) يوم ويكون الصيام عن الزفر وفي ناس بتصوم من الصبح للساعه (12) الظهر ونسمي صيام التاسعه وخلال الفتره هذه الي هنه (48) يوم بنعيد عيد الشعانين ويكون قبل عيد الفصح باسبوع الي هيه جمعة الالام وبترمز الى الالام المسيح المسيح على الصليب ويوم الخميس الي في هذا الاسبوع بعيد في عيد عظيم واحنا بنقول ليه عيد القراص وبنعجن فيه عجين وبنخلط فيها سمسم وطحين وعصفر وقزحه ويانسون مطحون وقصب ومحلب وسكر وزيت وبنخليها تحمر لثاني من يوم وما تكون جامده كثير وبنقطعها وبعدين بنخبزها ايام زمان كنا نسويها في الطابون واليوم في الفرن وبنطعمي الجيران والحبايب والقرايب لانها سنه اساسيه ورئيسيه في عيد الفصح ويوم الجمعه في صلاة عظيمه وهي جناز المسيح وفي هذا اليوم الناس كانت حتى تشعر في الالام المسيح ولازم نكون صايميين فيه وعند المسا بتروح الناس تصلي فيه صلاة اسمها جناز المسيح

في قبر وضعت ياسوع الحياه

وتحيرت جنود الملائكه

ويوم السبت فيه صلاه اسمها صلاة فط النور

واليوم بقولو ليه سبت النور ويوم الاحد الي هي صلاة العيد بقولو فيها (المسيح قام من بين الاموات ووطئ الموت بالموت ووهب الحياه للذين هم في القبور ) والي بكونو صايمين بفطرو وكنا في هذا العيد نسلق البيض ونصبغوا من الموجود ننقع قشر البصل ونغلي مع البيض عشان يتلون او العصفر وانو البيض يرمز لحياه جديده ويرجع الناس يدوروا امواتهم وبوخذوا معهم البخور وقهوه ساده وحلو والناس بتعايد بعض في الدور وبسلمو وبقولو المسيح قام واهل الدار بقولو حقاً قام.