الزراعة في فصل الصيف بنبلّش فيها في نيسان، بنجهّز الأرض وبنبلّش نحرث فيها، وبعدين بِنجيب البذار، والمَقَاثِي هي (فقوس وخيار وبندورة وباميه وبازلاء)، وبنبلّش نسوّي  جُوَر على شكل  دواوير وبنصير نِزرع مِقثاة، بعد ما تِطلع  بنصير نتفقد فيها والحَبّ  الميّت (يعني الزرِّيعة  اللّي ما عاشت)   بنِزرع  محَلّها، وبس تِطلع  المِقثاة بنِحمِيها من الطير؛ بنسوّي نواطير (وهي عبارة عن شكل إنسان مصنوع من الخشب  وأواعي قْدَام)، بِنلَبِّسهن إيّاه، وهي نفسها الفزّاعة، بعد ما تِطلع المِقثاة بِنجيب  كبريت وبنرُشُّه عليها عشان الدُّود والجَرَب، وبَعدِيها بِنبلّش الإنتاج وبِنجيب الفزّاعة لَلْقَاط.