لمّا يِجِي موسم الحْراث وتشوف وِيش وِدَّك تِزرع السّنة، بعد ما ترُود أرضك وتشُوف قَدِّيه وِدَّك تِزرع  بتِيجِي بِتشُوف واحد مسكين أو قرابة إلَك أو صديقك، بتِعطِيه دُنُم أو دُنمِين هاللّي ربّنا بِقَدّرك عليه،  وبتقول لِيه: خُذ هالأرض واحرُثها وازرعها إلك ولَعيالك وعِيش مِنهن، وأنا ما بَدّي منك إشي، الأرض بِتكون ملكي بس يِزرعها. في الوقت الحاضر موجودة بس فيه ناس بِعطيها في بَلاش، وفيه ناس بِعطيها عنُّه وعن عِيلتُه دَفع بَلا.