فيه لِيها طريقتين: الأولى بعد ما تْغَبّر المِقثاة المزروعة في البندورة، بِلَقّطنها النّسوان وبِيجِيبن البندورة وبِغِسْلنها، وبعدين بسَطّحِنها وبحُطّنها في طناجر كبيرة، وبحُطّن عليها مَيِّهْ وملح، وبحُطّنها على النار لَبِين ما تِعقِد، وبِخلّنها تبرد، وبحُطّنها في مطربانات، وبحُطّن على وجهها زيت عَشان ما تعَفّن.

الطريقة الثانية: بِغِسْلن البندورة وبشَقّفنها وبِرُشّن عليها ملح، وبُنُشْرنها على القماش النظيف، وبحُطّنها في الشمس، وبس تِنشف مزبوط بِنحُطّها في مِخْلاة وبنْخَزّنها لَلشِّتا.