أكلات شعبية (العَربُو) قُرص النار، وهي عبارة عن خُبز يتمّ إعداده من دقيق القمح بوضعُه داخل النّار حتى ينضج، ثم يقطّع ويوضَع عليه اللّبَن ويقدّم مع السّمن البلدي.

لمّا تصير الدّنيا عِيد نسوّي قُرص النار، وقبلها بْكَم يوم نحضِّر طحين القمح والجَميد البلدي والسّمن البلدي.

نِعجن الطحين لمّا يصير عَجينة لِيها عِرق ماسْكة مع بعضها، وبعدين بنحُطّ العجين فوق الصّاج حتى يِتغيّر لُونها شويّة ونِقدَر نِمسِكها.

وبعدين بِنكون محضّرين نار نحُطّ فيها القرص ونُدمُل عليه بالجمر ونتركُه حتّى يِستوي، بدُّه ساعة أو ساعة وشويّة حَسَب قوة الجَمر وحرارة النار، وبعدين نطَلّع القرص ونِقلبُه على الوجه الثاني ونتركُه داخل النار حتى يِستوي، ونحضِّر الجَميد البلدي المَريس، ونقطِّع القرص قِطَع ونحطُّه في اللَّبن ونفتُّه فَتّ، وبعد ما نجهّز نحُطّ السمن البلدي فوقه حَسَب طلب الناس، ونقدّمه لهم حتّى يوكلوا.

قرص النار اكلة زمان نسويها ونجمع احنا والاقارب يوم العيد ازغار وكبار والكل يحب اكلة قرص النار او قريص النار ولحد الان الناس بعملوا اكلة قرص النار في الغور وغيرة .

ومن المناسبات المهمة التى يصنع فيها قرص النار عيد رمضان وعيد الاضحى وعند حالات الولادة حيث يجمع الناس في هذة المناسبات وتقوم النساء بعمل قرص النار بكميات كبيرة .