من المواسم في القديم موسم صنع مربَّى العِنب، وتحدّثنا المُخبرة عن طريقة عمل مربّى العِنب (معقود العِنب)، وكنّا نقول عنّه (العنبيّة)، كانت الناس تجِيب العِنب المِستوي كثير، ونفُرْطُه حَبّ ومنِغِسلُه ومِنْحُطّه في القِدر، طبعًا معقود العِنب ما بِنحَطّ عليه سكّر كثير، وبنحُطّه على النّار على بين ما يِعقِد ويصِير زَيّ شكل سائل ثقيل، بعدين بِنجيب مُنخُل خِشِن عَشان نصَفِّي القِشرة والبِذر اللّي فيه، بنِرجع بنحُطّه في القِدر ومِنخَلّيه عَبِين ما يِثقل؛

الثّقيل اسمه (عِنَبيّة)

الخفيف اسمه (دِبس عِنب).