السِّعِن أو السِّقَا تُستخدم  لصناعة  مَخِيض  اللبن،  كانت تستخدم  لصناعة  جلد  الأغنام.  عندما  سألنا الحجة  حليمة  عن السِّقَا قالت  لنا:   كان الزلام  همَّا اللّي بذبحوا الغنم وبسلخوها،   وبعد  ما ينظفوها من الدّهن اللّي بكون عليها،  عاد فيه نِسوان بِسوّنها.

كانِن  يرجعن يغسّلنها، هي بتكون  عليها  صوف  عاد بِسكّرُوها  من جال الرِّجْلِين   والذَّنَبِةْ،  وبتصير  مثل  الكيس  وإلها جال  وحده  بحُطُّوا فيه ملح  وماء،  وفيه ناس  بحُطُّوا  مَعها  تَمر حتّى  يتغير لونها،  وبعدين  بسكّرُوها  زِين  وبِدِفنوها  في التّراب  يُوم  يُومِين.

وبَس  يِطِلعوهن  عاد بِصير   الصُّوف اللّي عليها   يَقَع  لَحالُه،  وبعدين  هي  صارت جِلد أملس عاد بدِبْغُوها،   يعني بِغلُو عُشب مُعَيّن  وبِنقعُوه في الجِلد، وبعدين  بِنُشروه وبصير جاهز،  وكنّا نخُضّ في اللَّبَن ونِطلِع منُّه  زُبْدة.