من أهم ما ينتبه إليه الفلاح هو تأمين بيته بالحطب، ويقول صاحب الأغنام أحمد النوايسه: الحطب أنواع : الشِّيح، القَطَف، الرَّتَم، الغَضَا، العَجْرَم. ويَجمع الحَطّابِينَ حَطَبهم بِحبالهم من البُطنان ومسايِل المَيّهْ، ومن كْتُوف الجِبال والوِديان وبحملوا الحَطَب على الدوابّ، وبعدين إمّا بِخزّنوها في قْطُوع الدُّور القديمة أو بيوت الشعر، وكانِن النسوان قديمًا هنِّه اللّي بِجمعن الحطب، بعدين صار في حطَّابِين بِترَزّقوا من ورَا هالشّغلة، وفي الشّتا وعزّ الشّتا لا بدّ من الحطب للطبخ والدَّفَا، بيكسّروا الحطب وبحُطُّوه في الجُورَة أو الصُّوبَّة، وأحمى نار هي نار الغَضَا.