هسّا الأرض اللّي ما بنِزرعها في الشتويّة بِخلّيها صاحبها أرض جراب (بور)، وعادة بِتمّ كْرَاب في شهر أربعة (نيسان ) بعد ما يِطلع العشب في الأرض، وقبل ما يُبذر، بنِيجِي بنُحرُث الأرض مِشان نزِيح العشب ونموّتُه؛ مشان لمّا وقت الزراعة المرّة الجاي ما يكون فيها عشب، وتكون الارض كويّسة للزراعة، ويكون محصول الزّرع بعد ما نزرعها في السنة الجاي يكون المحصول كويّس ومنيح وفيه خير وبركة. كنّا نحرث على حَمير مُو مثل اليوم، وأنا كنت مع أبوي أحرث عالحَمير مِن كان عمري 15 سنة.