هذا المْلَبَّن بِنجِيب العنب بتِغِسليه وبِتنَشّفيه، وبِتحُطّي عليه مَيّ وبتحُطّيه في طنجرة على النار، وبتجِيبي الطحين أو السّميد وبِتْخلّيه يكون وقت هالعنب بِغلِي على النار، والطّحين بِتْظَلّي تُوخذِي منُّه وتُفُرْكي في إيدكِي لَمَنُّه تْنَخّليه، وبِتجِيبي وَحدة وبِتظَلّ تْحرِّك في العِنب في الطنجرة، ووحدِة بتحُطّ في زُبدِيّة عليه طحين يِتصَفّى في مَيِّةْ العنب.

وَحدِة بِتحرّك العنب، ووحدِة بتصُبّ الطحين، وبعدين بتجِيبي من وجوه اللُّحُف وفي مَحَلّ واسع كبير، وبنحُطُّه مُستوِي، ووَحدِة بِتجِيب المْلَبّن في الكَفْكِير بِتزُقُّه على السطح، وبِظَلّ على السّطح أربع أيام، وكل فترة بنرُشّ عليه مَيِّهْ مِن جُوّا مِشان ما يِخرَب، بِنظَلّ نُوخذ مِنُّه على شِقفِة ثانية مِشان يِنشَف وبِنخَبّيه.