بعد ما أجيب الحليب وأرَوّبُه بحُطُّه في الخَضَّاضَة، ولمَّا يِستوي وأطلِّع الزُّبدة منُّه بحُطّ اللَّبن المَخِيض في قِدر وبِنْسَخّنُه شويّة، وبحُطّه في المِخْلاة، لمّا يِتمَصّى من المَصْل بَرُبْصُه وبحُطّ عليه حَجَر، وبَكُون حاطَّةْ عليه مِلح، ولمَّا يِقْطَع بَطَلّعُه وبَصِير أزَعْمِط فِيه وبحُطُّه أوّل يُوم في مكان ظِلِّهْ، وثاني يُوم بَطَلّعُه على الشّمس، وبَظَلّ أتفقَّد فيه مِشان ما يِتفَتَّت ولا يِتْسَطَّح، ولمَّا يِنْشَف ويِطلَع منُّه الملح الزَّايِد بَجْمَعُه وبَخَبِّيه في مَخَالِي؛ مشان ما يْخَضْرِم، وبَخَلِّيه مُونِة لَلدَّار، واللِّي بِزِيد عن الحاجة بَبِيعُه في الرَّطل (اللّي هوه ثلاثة كيلو) وبَستخدِمه في طَبخ المَنسف والفْتَات.