هنالك في المجتمع الكركي مجموعة من المعتقدات التي تحدّث في الحياة، فيقول الإخباري: من الشَّغلات اللّي مو كويّسة وفالْها مُو زِين لمَّا يكون معك كاسة أو صحن ويِقَع من إيدك ويِنكسر، هاظَا الإشِي بقُولوا مُو زِين، بِنقول لمّا يِقع: انْكَسَر الشّرّ. وفيه اعتقاد لمّا يِنكسر الصّحن إنّه دليل إنّه هنالك شَرّ، ولمّا يِنكسر القَزَاز يقولوا: انكسر معه الشرّ وراح الشرّ. وكمان بِنْقول أنت بتِشرب في كاسة شاي وِقْعَت منّك بِقول واحد من الموجودين: انكسر الشرّ، وبقولوا: ترى شَكْلك كايِن وِدُّه يصير معك مصيبة وربّنا نَجّاك منها.