من المعتقدات الشعبية في محافظة الكرك رمي صُرّة الطِّفل، فيُعتقَد أنه إذا رُميت صُرّة هذا الطفل في مدرسة سيكون متعلّم، وإذا رُميت في مسجد إنه سوف يكون صاحب دِين. وتقول الإخباريّة: بعد أسبوع من الولادة صُرّة العَيّل تِنشَف، بُوخذُه أبو العَيّل أو واحد من قرايبُه وبِوَدِّيه على الجامع على شَان يِطلع صَلَوِي وصاحب دِين، وإنه إذا تِرمي الصُّرّة في مكان ما الطفل بِتْعلّق في هذا المكان، وبنِرمِي كمان في الجامعة، بس أكثر إشِي بنِرمي في المسجد، وهناك اعتقاد إنه الصُّرّة هي بتِحمل مواصفات الإنسان، ورَمِيها في مكان طاهِر يَنعكس على شخصية صاحبها، ويقولوا في الكرك لمّا الواحد يتعلَّق في مكان (اِنْتَ صُرّْتَك مَرمِيّةْ فيه).