تروي العجايِز الكثير من الحكايات الشعبية للتسلية ولإخافة الأطفال ودفعهم إلى النوم، ومن هذه الحكايات الغولَة. تقول الحجّة مريم النوايسه: كنّا نسمع هذه الحكايات من أمهاتنا، ومن أهمّ العجايِز المشهورات العجوز المرحومة بَخيتهْ المحاميد، وكانِن بِسُولفن عن الغُولَة، وبالذات في قرية في وادي الكرك، وهاي الغولة كانت تِعترض طريق المِتْعَدِّي واللّي مْرَوّح على دارُه، وكانت توقِّف على الطُّور وِتْنادِي على الورادين، وتنادِيهم في أساميهم، وفيه مغارة في نُصّ الوادي كانت فاتحة ثُمّْها واللّي بِمُرّ من عندها شَعر راسُه بِوَقِّف، وبقولوا بتِطلع من المغارة غُولَة، وبتِطلع وَرَا الخَيَّال على الفَرس وبِتْصِير تُضْرُب الفَرس، وبِصِير الخَيّال يْلاخِم، وما بِعرِف وِين يْرُوح، ولمَّا يِتْعَوَّذ من الشّيطان ويقُول: (بِسم الله الرحمن الرحيم) بِتروح عنُّه.