****

في حوالين بيتي حاكورة زغيرة بزرع فيها الزعتر، بقطعة كله بعيدانه وبخليه على بين ما ينشف، وبعدها بنقيه من العيدان، أو بسحبه سحب مرة وحدة عن العيدان، وبجمع الزعتر المنقب وبوديه على العطار يطحن لي إياهن، وبطحن معهن قمح مقلي وحمص حب، وفي تتبيلة خصوصي للزعتر عند العطار بحطها عليهن، بحطهن بجاط بلاستيك كبير وبخلطه مليح، وبعدين بفردهن على قطعة بلاستيك كبيرة وبفركهن بالزيت مليح على شان ما يكبتل، وبحطهن على جنب، وبخلط معهن السماق والسمسم وشوية ملح على شان ما يعفن، ممكن أخزنه بكياس نايلون وأحطه بالفريزر، أو علب من قزاز، أو تنك أو بلاستك في مكان ما فيه رطوبة.

****

أول شي بنجيب الزعتر الأخضر وبنشفه، وبعد هيك بنفرطه وبنقيه من العيدان وبنفركه باليد حتى يكون ناعم، بعد ما يكون الزعتر نظيف بنحط عليه شوية زيت بلدي وبنفركه باليد، وبعد ما نفركه بنحط عليه الجميد المدقوق الناعم، أو الحمص، يعني القضامة مطحونة، وكمان سمسم وسماق وبنخلطه مع بعض، وكل كيلو زعتر بده نصف كيلو سمسم محمص.