***

الطهور:

 كان (بتذكر) إخواني (وولاد) عمي، يعني (ولاد) العيلة (يطهروا) على ثلاثة سنين، ونجمعهم مع بعض، ويطهرهم الدكتور ويلبسوا ثواب وطواقي بيض، ونجهز (زي) تخت كبير ونحطهم بجنب بعض ونقدمهم، وقبلها بيوم (نعزم) الجيران وناس، ونعمل (زي) حفلة.

قبل غير، كنا نعمل (السماط)، هذا رز بلبن وكركم أصفر ونفرقه على الناس، ونرش على وجهه سمنة حرة، ونوزع حلو، ونقعد وننبسط، ونعمل غدا مناسف، وناس (تيجي) تجيب هدايا، و(تنقط)، يجيبوا شوالات سكر ورز، أو تنكة زيت، أو جبنة، مخلط أشكال ألوان.

وهذا كله (ينعمل) بعد الطهور.

أول ما يجي الدكتور نصير نغني:

- طهره يا شلبي    وناوله لأمه

- يا معة الغالي   على خده

- والها تكملة، (بس هسع مش متذكرها).

* المهم نوزع راحة وفستق، (بس) بالوقت (هاظ) قلت بين الناس، يعني (بس) الأقارب، يعني بين (العيلتين).

***

اسم العنصر: الطهور (الختان)

كانت في واحد أيام زمان يسمى (شلبي)، وهو نفسه المطهر، وكان (بيجي) من المدينة ويلف بالقرى وعلى البيوت (اللي) عندها طفل (بدو تطهير)، أو كان يسأل والناس (تودي عبيت) فلان مثلاً (عندو) ولد (بدو طهور)، ويكون الشلبي معه حقيبة فيها عدة (الطهور): مقص، موس، خيط، لفة شاش، معقم. و(بعدين يجيبوا) الطفل، كانوا كبار ويلعبوا بالحارة، وبعد ما (يجيبهم) يقوم الشلبي (يطهر) الولد، وكانت النسوان تغني:

طهرو يا شلبي وسمي عليه

طهروه يا شلبي لا توجعو

وان وجعتو لادعي عليك

طهروه يا شلبي وأعطيه لأمه

لتحضنه وتبوسه عثمه .

وبعد ما يخلص يروح الشلبي، و(بس يجي عالحارة) مرة ثانية يمر (عدار) اللي طهرهم حتى (يطمن) عليهم.