***

ليلة الحنا

تحتفل العروس أو العريس في بيت الأهل في الليلة التي قبل ليلة زواجهم، والليلة السابقة لليلة الزفاف.

تتجمع صاحبات العروس وبنات عمها وقريباتها، (تا يغنوا) عندها، تكون هي (عازمتهن) ع ليلة الحنة، (اللي) قبل كنا نسميها ليلة (الشرة).

والعريس مثل العروس، يجمع أصحابه وقرايبه و(يغنوله وبدبكو) عنده، وآخر شيء بها الليلة تكون أم العريس أو العروس عاجنة حنة بسدر و(مزينيته) بالورد، ويتجمعن حول العروس وينقشوا ع إيدها وهم (يغنوا).

سبل عيونه ومد إيده يحنونه .....غزال صغير وكيف أهله يخلونه

يامي يامي شديلي مخداتي ......  وطلعت من البيت وما ودعت خياتي

يامي يامي شديلي مناديلي ...... وطلعت من البيت وما ودعت جيلي

وعند العروس تتسمى الليلة (حفلة الوادع ) وعند العريس بسهرة الشباب، يكون فيها فرقة موسيقية وألعاب نارية، ومرات إذا نقطوا أصحابه ليلتها يساوي لهم عشا آخر الليل.

(لكن ها الأيام هاي العروس يساوولها حفلة وداع بدون حنا ولا شيء، وصار جديد العروس قبل ما يجي العريس بالفاردة بساعتين تكون عازمة صاحباتها وقراباتها، وقرابتها يجن ينقطنها، وبعد الساعتين يجي العريس يأخذها ع بيت أهله ويكمل هو الفرح عنده أن كان بالبيت أو بالصالة).

***

ليلة الحنة أو ليلة الوداع

(نعجن الحناء وبنجهزه، وبنحطة بطبق، وبنحط حوالين الحناء شمع، وبنشعل الشمع، وأم العريس بتحط الطبق على راسها وبترقص فيه هي وأقارب العريس وخواته، وبعد ما يخلص الرقص بيحنوا العروس، وبغطوا إيد العروس، ويوزعوا باقي الحناء على الضيوف، ويوزعوا مع الحناء "حجاجي" كياس، والحجاجي هي بزر وملبس وفستق وقضامة ومخربش محطوطين باكياس ورق).