يحتاج البدوي قبل للبيت وخياطة بيت شعر جديد ويكون لعريس او لتبديل جزء من البيت اللي يسمونه الشقة ويكون تلف من الشمس او من طول ماله او خياطة البيت من اول وجديد.

تجتمع النسوان لخياطة بيت جديد ويطربن على السامر ويغنن الاغاني اللي يحفظنها ويرددن الالحان وهذا يسهل عليهن المهمة، بعد ما يخلصن النسوان الخياطة يقوم الرجال بشد البيت وبنية وكربه.

وبعدين يقوم صاحب البيت بذبح ذبيحة احتفال بالبيت الجديد وتكريم النسوان اللي خيطنبو، وكان البدوي حتى لو خيطت النسوان الرواق ( وهو يعتبر الباب البيت) فان صاحب البيت يذبح للرواق طلب للبركة واستبشار بالخير.