استمارة رقم 23

بعض الامراض العارضة الي تصيب الصغار او الكبار تحتاج السعوط وهو مجموعة من الاعشاب تنجاب من عند العطار تنسحن وتنطحن عالناعم وتنخلط وتنحط بفنجان او ما شابهه وينسكب عليها مقدار حبة القهوة مغلي الشيح أو الجعدة ويتمدد المريض وينحط بخشمه وبفمه نقطه واحدة من الخليط وممكن نمسح صدره منه ويغطى حتى يتعرق جسمه وبعدها (يفك) وتتحسن اموره ان شاء الله .

سعوط الطفل (اللاد) او المقسوم يكون بعد رضاعته ونصغر النقط بخشمه وعلى شفايفة وعلى صدره وما نعرضه للهوا وبعدها يتشافى بعون الله .

استمارة رقم 28

السعوط : نوع من الطب والتداوي تقوم المرة البدوية بطحن المرمكة (المرّة) مع علك البطم حتى يصير ناعم وتغليه بالمية وتجيب شوية من وبر الناقة وتساوي على شكل كرة صغيرة تغطها بمغلي المرمكة وعلك البطم وتنقط انفها في فتحتيه وتتداوي به النسوان عن وجع الرأس الناتج عن نزلات البرد .

وكل ما يوجعها راسها تجيب الكرة اللي تكونت من (وبرة الجمل والمرمكة وعلك  البطم ) وتبلها بالقهوة او الميه وتنقط انفها وتغلق احد فتحتيه بهذي الكرة .