طبعاً مو مهم نوع الجنين صبي او بنت فما بتفرق شو بتخلف  الوحدة واهل البنت يودولها شنتة كاملة فيها جهاز كامل يتضمن ملابس الطفل كامل أكان بنت او ولد ويكون فيها اغراض لزوج البنت وفيها لستو ولسيدو، وطبعاً السلافات اذا كانوا عايشين معها واسلافها لو شغلات بسيطة هاي الشغلات ابتبدي خامس يوم او رابع يوم ما تولد البنت، ابو البنت الي بتكون والدة عنا بوديلها هدية بتكون قيمة طبعاً مع الشنتة وتلقى كمان في الشنتة العاب فيها عطر فيها جزدان وجلباب حسب الوضع المادي للأهل يعني يا بتودي هدية محرزة او بتتنقط مصاري تشتريلها شو ناقصها للبنت هاي من عادات الخلايلة وبروح يوم الشنتة عمات البنت وخالاتها وعمامها ونسوان اعمامها خواتها وهلها يكونوا كلياتهم هاي الليلة ما يباركولهم بروحوا كليلتهم وبياخدو معاهم شوكولاته ومنهم بياخد معوا سدر كنافة او بكون اهل المولود الصغير هما محضرين الحلاوة طبعاً منهم هما الي بكونوا محضرين الضيافة كاملة لهاي المناسبة.

طبعاً بنغني في هاي المناسبة ويكون في اغاني لهاي المناسبة وصار بعض الناس يحطوا اغاني ويرقصوا ليعبروا عن فرحتهم للمولود الجديد من الاغاني يوم مولد الطفل " الحمد لله قامت بالسلامة" طبعاً للمولود بنحط قطعة ذهب لتحميه من العين وايضاً اول ما يفوت الطفل بالبيت بتحممه وبتملح عشان ريحة الزنخة وبعدها بزيته بزيت بلدي عشان يحمي الطفل وهاي التجهيزات للطفل وكمان بأذنوا بدانه اليمين وبقيموا بالشمال وهيك استقبال الطفل الجديد على هاي الدنيا.