تقول الراويه لما انا ولدت ابني اجات الدايه على الدار ولا بتحكيلي بدي ابشرك يا ام فلان ابنك جاي عليه برقع انا فرحت لانو البرقع بالنسبة النا حرز فاحنا بنملح هذا البرقع وبعد يومين لما ينشف بنصفطه على بعض وبنخط عليه شريط وبكون على شكل حجاب وبكون شكل البرنص زي الكيس واحنا بنحافظ ع هاد البرنص زي الذهب بنخبيه للمصايب يعني في حدا بدو يروح ع امتحان واخد معو البرنص رح ينجحو او محكمه او اي خطر الله بيحميه. ولسا في ناس بيأمنو في  وفي ناس ما بيعرفولوه وبعدين شبهوه ببرنص العروس وخاصه المحجبه بلبسوها ياه عشان هيك سموه برنص.