كان قبل لما يتوفى احد لا يبيتو بالبيت ولا شي يموت الميت ويجيبوه ع البعير ع المقبرة يدفنو هو كان البعض بعد ما يروحو " يرجعون" من المقبرة يوزعو تمر وخبز بس يقعدو" يبقو" اسبوع ما يخمروا العجينة يستخدمو خبز عويص وما يستخدموا المهباش لدق القهوة يستخدمو الهون الفخار في سحن القهوة لأن صوت المهباش لون من ألوان الطرب والفرح وقبل لأن كانت العرب ترحل من مكان لمكان يدفنو الي يتوفى ويكملو رحيلهم وبذبحو له بنفس اليوم اهله ويسو عشا او يوزعو عن روح الميت ويقومو بوصايا الميت الي تكون يا ذبيحة يا حجة.

والايام هاي اول ما تصير حالة وفاة ينتشر الخبر بالقرية يقوم اهل الميت يبنو بيت من الشعر يستقبلو بيه التعازي وبد ما ينتهو من مراسم الدفن يتقدم واحد من الرجال وياخذ غدا العزا عنده ويقوم اهل بيت الرجل بطبخ الغدا لأهل الميت بالعادة " منسف" وقت الغدا يجو الرجال يتغدو عند المعزب ويقوم المعزب بإرسال الغدا لبيت النسوان " لأهل الميت"وبالعادة يتم العزا ثلاث ايام وكل يوم غدا عند واحد لكن مرات اهل الميت يرفضو يتغدو عند حدا " يكون الميت موصي انهم يطبخو بالدار وما يروحو عند احد" ويستمر الحداد لسنة ويحضر ع اهل الميت يقومو بحفلة او يتزوج احد من الافراد.

ويقول المعزي لأهل المتوفي " البقية بحياتك ويرد اهل المتوفي بحياتك الباقية او يرحم ما فقدتو تعيش يرد عليه او عظم الله اجركم يرد ويقول شكر الله سعيكم واذا كانت مرأة مرات يقول " مخلوفة ويرد العوض برحمة الله".

ويقدمو بالعزا القهوة السادة لكن جديد صاروا يقدموا التمر مع القهوة واللزاقيات " الفطيرة" نحن الزيود ما عندنا هالعادة نقدم فطيرة لكن عند المشاقبة والشديفات يسوو " يعملون" فطيرة ثالث يوم عزا.

حتى اول ما يموت الميت يكتبو له تعزية بالجريدة والراديو.