بقوموا اهل الميت بعد الوفاة مباشرة بفتح بيتهم لإستقبال الناس وأخذ التعازي منهم ومو شرط يكون في بيت اهل الميت ممكن يكون بديوان العيلة او نصب صيوان امام البيت من قرايب البيت واصحابه ومعارفه وبتجمعوا الناس في هذا البيت او الديوان او الصيوان وبصيروا يحكوا عن الميت وشو سبب وفاته ويترحموا عليه وببلش بيت  الأجر اما بنفس اليوم الي مات فيه او اليوم الي بعده وخلال ثلاث ايام في ناس من اهل الميت او صحابه او معارفه بتبرعوا بتقديم اكل للناس خلال ثلاث ايام وبعتبروها غدا للناس عن روح الميت او إنو في ثالث يوم بجيبوا كنافة وبوزعوها على الناس عن روح الميت وأول ايام بيت الاجر بيجي الشيخ بعطي درس عن الموت وتذكير الناس بالموت والموعظة من الشخص الي مات وبترحموا عليه وبدعولوا بالمغفرة وبنختم كلامو سبحانك اللهم وبحمدك اشهد ان لا اله الا انت استغفرك واتوب اليك وخلال ايام بيت الاجر الثلاثة بنضيف الناس قهوة سادة وحبات تمر وفي آخر يوم بالليل بسكروا اهل الميت بيت الاجر او الديوان او الصيوان وبروح كل واحد لبيته واحنا بنروح لبيت الاجر للقيام بالواجب ونها مواساة لأهل الميت والتخفيف عنهم.