هي ورقه بكتبها الزلمه أو المراه ولازم يكونوا عايشين وبعقلهم يعني الوصية بتنكتب لما يكون الزلمه في صحته وعافيته وحالتو العقليه منيحه وبوحي منها انو شو بملك في الدنيا من مصاري او عقار او سيارات او اي اشي تملكه في الدنيا من اشياء الها قيمه ماديه وبكون كاتب كمان في وصيته اذا كان عليه دين عند الناس او عليه دين على ناس وكمان بكتب في الوصيه المطالب الي بدو اياها تتنفذ بعد موته مثلاً انو يوصي انو بعد موته يبنوا اولاده مسجد عن روحه او انو نعطوه مثلاً فلان من الناس قيمه من المال او بعطوه اشي بملكه الشخص والوصية بوصي فيها الشخص لكل الناس ما عدا الورثه يعني ولاده وبناته ومرتو لانه حسب الدين ما في وصيه للورثه الوصيه بس بتكون لأمور بطلب الشخص انو تنفذ بعد موته أو انو يعطوه من ورثته لناس معينه غير الورثه أو كتبرع بأمور خيريه والوصيه زي ما حكين ورقه بكتبها الشخص بحياته وما بتفتح إلا بعد موته وبتنحط الوصيه عند ناس امناء علشان ما يقرأو نص الوصيه وافضل إشي عند ناس غربا ما بعرفوهم ولاد أو بنات الشخص و ما بتنفتح الوصيه أو بفصح عنها المؤمن عليها الا عندما يتوفى الشخص والوصيه الها مكانه عاليه في المجتمع لانو بتوضح شو بملك الشخص وما يكون عليه وكمان بتوضح ما يتمنى الشخص بعد موته والوصيه بتمنع الخلاف بين الورثه.