صار العريس يوم العرس طبعاًببقى تجهيزات بيبقى عندهم

غدا ببلشوا من الصبح أو من الليل يعني بعد السهره بذبحوا وصبحيات بقوموا على طول ببلشوا بطبيخ وبكونوا حاسبين احساب اهل احنا عنا عاده ابنحكي لاهل العروس ابتيجي وقديش بتجيب ارجال مثلاً 50 رجال لانهم يكونوا حاسبين حساب اهل العروس للرجال اهل العروس كلهم 50 أو أكثر موجود يتغدو عند اهل العريس وطبعاً بقولوا اهل العريس لدار اهل العروسلحم سدر بدك لبيتك في ناس بتقول خمسه أو سته او سبعه او اكثر حسب لم ينطبخ الطبيخ بتوديلاهل العروس ورجال اهل العروس بيجوا كلهم على دار اهل العريس يتغدوا كلهم سوا طريقتنا لضيافة اهل العروس من اهل العريس انو ممنوع الاكل ينحط أو ينسكب الا بحضور اهل العروسه انو هم بفوتوا اول شيء على المائده تبعت الاكل بعد اهل العرس بفوتوا بس بحضور اهل العروس بعدين يضيفوا اهل العرس وهاي كلها يوم العرسوالعروس بتكون في الصالون بتغدو وبخلصوا وبروحوا خوات العريس وبحضروا حالهم وبعدما يحضروا حالهم طبعاً الناس كلهم ابتلتم بهاد الوقت عند دار العروس وتبقى دار العروس مليانه وعند دار اهل العرس من جماعتهم مليانه ولمعازيم  ال عند اهل العريس بصيرو يغنوا مثل(يخلف عليكم كثر الله خيركم)  يعني انك قدمت واجبك ولانك افرحت بأبنك وأنك عملت الواجب وزياده ومنغني أغاني يعني في نص(خلف الله عليكم) تسام يا ابو فلان وفي الاغاني كثيره للمناسبه هاي طبعاً بخلصوا الاغاني هاي لأهل العريس طبعاً بقولوا الفارده راح تطلع أي ساعه طبعاً في هذا الوقت بقولوا في حمام عريس عنا (حمام العريس طبعاً في هاد الوقت واحد من اهل العريس بقول انو حمام العريس علي العريس بروح يتحمم عندهم هناك طبعاً  ال بحمم العريس بكون محضر كنافه او جاتو عصير وغيره وبلبس بدله كامله وبطلع على الزفه وبنزف من باب ما اتحمم ليوصل دار اهله بعد ما ينزف لحد دار العريس بحطو العريس طبعاً بسياره وبطلعوا للفارده وينمكان بيت اهل العروس بتجهوا عليها طبعاً سعيتها اهل العروس بستقبلوا اهل العريس بشربهم القهوه الساده وبتنطلب البنت من أول وجديد رسمياً وهم قعدين جميع اهلها وأهله مره تانيه بقول لهم يا عمي بنتكم مطلوبه وطالبينها على سنة الله ورسوله وهاي امانه عنا ان شاء الله وما منفرط فيها ابنوب وان شاء الله ابنقدر على عيشتها تكون هنيه وان شاء الله ما بكون بينا غير الخير والحب وبقول ابو العروس انه قبل ورب العالمين يوفقهم ويرزقهم ويعطيهم وانا من اللحظه هاي بنتي ما بقالها عيش ظل عندي ما بقالها خبز ببيتي لانها هلأ ضيفه وبعدها بسلموا على بعض هلأ القهوه الساده للرجال والحلون للنسوان طبعاً بوقفوا جماعة العروس كلهم وجماعة اهل العريس بنزلوا لانه اهل العروس بدهم يسلموا على العروس وينقطوها مصاري قبل ما تطلع من بيت اهلها بتبوس العروس ايد كبار العيله قبل ما تنزل ولم تنزل تنزل بنزلها ابوها وعمها  ولعريس بكون واقف برا بستنا لياخذ عروسته وبقول ابوها للعريس هاي طلعت خطيتها من رقبتي لرقبتك  عمي دير بالك عليها وبتدخل في السياره وساعتها بتنزف على الصاله يوم الصباحيه بروح اهل العروس على العروس بودو الفطور للعرسان وبروحوا مباشره بغزم العريس اهل العروس وبقولهم  جيب مين ما بدك على التسبيحه وهي بعد المغرب والاهل بياخذوا هدايا بياخذوا كنافه لبنتهم واهل العروس بعزم جماعتهم لم يعزم العريس وطبعاً برحوا على العاد وقت العشا طبعاً بفوتو عليهم وبتكون العروس عند جماعتهم وبتكون لبسه البدله ومجلله وبتكون عامله تسريحه كأنها عروس مره ثانيه وبرقصوا وبرقصوها وبغنولها " أصبح الصبح علينا يا زينا " وأغاني غير وبرقصوها وبلفتره هاي بتعشوا الجماعه وبتحلوا تحلاية الكنافه ال جابها ابو العروس وبشربوا قهوه ساده وغيرها من الضيافه ال بتكون حاضره من اهل العريس لتقدير اهل العروس طبعاً بستأذن ابو العروس العريس بقوله انهم بدهم يسبحوا ..  بنتهم طبعاً بروح العريس وبيعطي خبر العروس انه جماعتك بدهم يسلموا عليكي وبتروح وبتغير البدله وبتلبس طقم رسمي وبتغطي على حاله وبعدها بفوتوا اهل العروس وبسلموا على البنت وبتفرجوا على غرفة نومها وبنقطوها مصاري وبروحوا من عندها ... وبعدها في ليله متعارف عليها عند الخلايله وهي ليله اسمها الليله المخفيه او الخفيه وهي ليله من ليالي  ال بتكون متزوج وهي عروس ابتطلع على اهلها من دون علمهم وبليل وويكون الوقت متأخر لتلبس طقم جديد وهوا كمان بياخد حلو معوا لدار احماه.  وبعد اسبوع بتكون معزومه عند اهلها وهي أول عزيمه ابتنعزمها العروس عند دار اهلها واول يوم ابتطلع فيه اذا كانت عند دار عمها..  توكل عند حدا وهم دار اهلها .     وهي عادات خليليه فلسطينيه وهي موجوده للآن.